Peb txhua leej txhua tus ntawm peb tus kheej yeej muaj ib txoj kev ua neej uas muaj txiaj ntsig rau peb. Txawm li cas los, thaum peb lub siab xav tsis zoo li qub lawm los yog muaj kev ntxhov siab, nws tseem ceeb heev uas peb muaj cov kev zoo los pab txhawb peb tus kheej kom daws tau teeb meem. Nov yog qee yam ua koj tuaj yeem ua tau los tsim kho koj txoj kev noj qab haus huv thiab cov kev pab rau koj kom hla dhau cov sijhawm uas nyuaj.

Pab koj tus kheej muaj kev noj qab nyob zoo

  • Noj yam zaub mob zoo thiab haus dej dawb
  • Tswv kev siv caffeine (tej yam khoom muaj caffeince pab kom txhob nkeeg thiab tsaug zog) thiab txwv kev haus dej haus cawv
  • Txhob siv tej luam yeej lossis yeeb tshuaj
  • Pw thiab so kom txaus
  • Mus khiav pab koj lub cev

crisis-help

Siv tej tswvyim yooj yim los so

  • Muab sijhawm los so koj lub cev kom txaus xws li muv ua tej yam uas haum rau ko thiab ua tau yooj yim- ua pa tob, xyab koj lub cev, zaum thiab xav, mus ua tej yam uas muab kev zoo siab rau koj, lossis ua tej yam yooj yim li ntxuav ntsej muag thiab ntxuav tes.
  • Nco ntsoov faib sibhawm rau koj tus kheej thaum koj ua tej yam nyuaj. Tom qab koj ua ib yam haujlwm hnyav nco ntsoov ua ib yam lom zem thiab sib.
  • Siv sijhawm thaum nyob los so kom txaus - noj ib pluag mov qab, nyeem ntawv, mloog nkauj, lossis tham nrog koj tsev neeg
  • Muab sijhawm los tham txog koj cov kev xav nrog cov neeg uas koj hlub thiab koj cov phooj ywg.

Mloog koj lub cev, koj kev xav thiab tus tsuj plig

  • Ntxov cim tej yam txhwm sim thaum yus muaj kev nyuaj siab
  • Paub tias koj tej kev paub yav dhau los tuaj yeem cuam tshuam li cas rau koj txoj kev daws teeb meem rau qhov xwm txheej tam sim no thiab xav txog cov kev uas koj tau siv los daws tej teeb meem yav dhau los. Tsom mus rau tej kev ua koj tau tswj teeb meem zoo
  • Nco ntsoov tias txoj kev nyuaj siab, kev tu siab, kev xav hais tias yus yog tus txhaum, lossis kev npau taws puav leej yog tej yam uas tshwm sim tom qab uas muaj tej xwm txheej loj
  • Siv sijhawm los txhawm rau kev pab yus tus ntsuj plig los ntawm kev xav, kev thov vaj tswv lossis kev mus pab lwm tus uas thov kev pab

Cov ntawb qhia ntxiv txog tswj kev nyuaj siab li cas (PDF)
Cov ntaub ntawv rau menyuam yaus (PDF)

all-in-this-together

Puas xav nrog ib tus neeg tham? Kev pab nyob ntawm no.

Cov Xov Tooj Pab Txhawb (tsis yog xwm ceev) hu ua Warmlines, muaj kev pab dawb thiab tsis pub lwm tus neeg paub, los ntawm kev hu xov tooj lossis kev xa lus. Nws muaj pub rau cov neeg uas xav tham nrog ib tug neeg tiamsis tsis yog nyob hauv xwm txheej kub ntxhov.

Tus Xov Tooj Pab Txhawb Nyob Hauv Xeev Minnesota

Qhib 7 hnub txhua lub as thiv, thaum 9 teev sawv ntxov mus txog 9 teev tsaus ntuj. 

Hu rau 651-288-0400 lossis 855-WARMLINE (855-927-5463), lossis xa los lus “support” mus rau 85511.

Tus Xov Tooj Pab Txhawb Los Ntawm Cov Phooj Ywg MN

Qhib 7 hnub txhua lub as thiv, thaum 5 teev tsaus ntuj mus txog 9 teev sawv ntxov.

Hu tuaj lossis xa lus rau 1-844-739-6369

Yog xav tham nrog ib tug neeg txhawb nqa uas yog African American (Haiv Neeg Asmeskas Dub), hu rau 1-855-244-5050 rau hnub Tuesday thiab Thursday, thaum 5 teev tsaus ntuj mus txog 9 teev sawv ntxov.

Puas yog koj lossis ib tus neeg uas koj paub tab tom ntsib kev kub ntxhov txog kev puas siab puas ntsws?

Yog xav tham dawb nrog cov neeg kws tshaj lij uas tuaj yeem pab tau: