10 txoj hauv kev uas Minnesota Medicaid tseem ceeb rau koj.
Cov ntaub ntawv xov xwm los ntawm xyoo 2023.
#1 Medicaid yog yam loj tshaj uas pabcuam kev duav roos pov hwm kev kho mob hauv lub xeev Minnesota.
Nyob rau hauv lub xeev Minnesota, Medicaid muaj npe hu ua Medical Assistance (Nom Tswv Kev Pabcuam Them Nqi Kho Mob.) Nws pab pov hwm ntau tus neeg hauv lub xeev, thiab ntau tshaj lwm txoj kev roos. Xws li ntawd, Medicare yog ib lub tuam txhab loj tshaj plaws uas muab kev kho mob pub dawb rau tibneeg. Nws pab txo qhov feem pua ntawv cov neeg uas tsis muaj kev duav roos pov hwm. Qhov feem pua ntawv cov neeg hauv lub xeev Minnesota uas tsis muaj kev duav roos pov hwm tshua yog 3.8% xwb.
#2 Medicaid ua haujlwm raws li lub hauv paus rau kev pabcuam kho mob nyob hauv xeev Minnesota.
Medicaid pab loj rau lub tuam txhab uas saib xyuas kev noj qab hauv huv ntawm lub xeev Minnesota. Medicaid pab nyiaj rau cov chaw saib xyuas pejxeem kev noj qab hauv huv, cov tsev kho mob, cov chaw pab rau kev nyab xeeb thiab kev kajsiab, kev saib xyuas neeg hauv tsev, cov chaw kho mob hauv zej zos, cov tsev laus, cov kws kho mob, cov kws kho hniav, thiab ntau lwm tus kws kho mob. Medicaid pab txo kev tsis muaj duav roos ntawm cov neeg nyob hauv Minnesota. Medicaid pab txo cov nuj nqis kho mob uas tseem tshuav los pab kom cov chaw kho mob thiab cov haujmuam loj no thiaj li mus tau. Nws pab txo cov nyiaj nuj nqis ntawm cov neeg nyob hauv Minnesota.
#3 Minnesota txoj kev duav roov pov hwm kev kho mob zoo dua lwm lub xeev.
Nrog Medicaid, peb nqis peev rau kev noj qab haus huv ntawm peb cov pejxeem, thiab qhov no kuj pom tau. Kev kho mob zoo sib txawv thoob plaws lub tebchaws Asmeskas thiab lub xeev Minnesota ib txwm ua zoo dua lwm lub xeev txhua zaus.
#4 Medicaid pab cov menyuam muaj hnub nyoog yau kom lawd pib tau lawd lub neej kom muaj kev txhawb zog.
Medical Assistance duav roos kwv yees li 3 ntawm 10 tus menyuam uas yug tau hauv lub xeev. Tshwj xeeb pab rau cov neeg Dub thiab cov neeg Xeeb Txawm Askmeskas Uas Yog Qhab, uas pab roos kwv yees li 8 ntawm 10 tus menyuam yug los uas yog neeg Dub thiab 9 ntawm 10 tus menyuam yug tau los uas yog neeg Xeeb Txawm Asmeskas Uas Yog Qhab. Cov menyuam uas tau txais kev pab los ntawm Medicaid muaj kev noj qab hauv huv zoo tshaj rau lawd lub neej thaum yav laus, pab kom lawd mus kawm tau ntawv tsis tu ncua, pab txo kev poob kawm ntawv, pab kom lawd mus kawm tau qib siab, thiab pab kom lawd them taus se thaum lawd muaj hnub nyoog loj piv rau cov uas tsis muaj kev duav roos pov hwm thaum tseem yau.
#5 Medicaid yog ib qho kev nqis peev uas zoo tshaj plaws rau yav tom ntej ntawm Minnesota.
Kev duav roos pov hwm 592,000 tus menyuam txhais tau tias Medical Assistance roos txog 41% ntawm tas nrho cov menyuam nyob hauv lub xeev. Lub sijhawm thaum menyuam tseem yau yog ib lub sijhawm tseem ceeb heev rau kev loj hlob ntawm menyuam lub hlwb, kev npaj rau kev kawv ntawv, kev mus kawm ntawv, thiab kev noj qab hauv huv mus yav ntev. Yog tsis muaj kev roos pov hwm nws tu ncua kev kho mob tsis muaj tshuaj kho, thiab kev noj qab haus huv yuav muaj cuam tshuam loj. Lawd tau ntsuam xyuas muab piv rau cov menyuam uas tsis muaj kev duav roos qhia tau tias cov menyuam uas muaj duav roos kev kho mob muaj lub neej zoo dua, kawm tau zoo dua, thiab ua haujlwm tau nyiaj ntau dua thawm lawv loj hlob.
#6 Minnesota siv nws cov nyiaj Medicaid qhov ntau los pab cov pejxeem uas muaj kev phom sij – xws li cov neeg laus thiab cov neeg xiam oob qhab thiab cov muaj kev tsis taus.
Minnesota siv tshaj 60% ntawm cov nyiaj Medical Assistance los pab txhawb rau cov neeg xiam oob qhab lossis cov uas muaj hnub nyoog 65 xyoos rov saud. Txawm tias pab pawg neeg no tsuas suav txog li 14% ntawm cov neeg tau txais kev pabcuam duav roos no. Txog li 65% ntawm cov neeg uas txais kev pab Medicaid hauv Minnesota yog cov tsev neeg thiab cov menyuam yaus.
#7 Medicaid them nyiaj rau kev kho mob rau kev kajsiab nyab xeeb rau cov neeg nyob hauv Minnesota tshaj lwm qhov chaw.
Kev kajsiab nyab xeeb yog ib qho tseem ceeb txhua lub sijhawm ntawm yus lub neej thiab yuav tsum tau txhawb mus ntev, pib ntawm kev tiv thaiv kom txhob muaj thiab kev kho kom rov zoo. Hmoov tsis zoo, cov neeg uas muaj teeb meem txog kev kajsiab nyab xeeb hauv Minnesota tau nce zuj zus thiab zoo li kev nce no muaj thoob plaws tebchaws. Kev nce ntawd tau cuam tshuam tshwj xeeb loj heev rau cov tub ntxhais hluas nyob hauv Minnesota. Centers for Disease control and Prevention (CDC) kws yees tias ib tus ntawm 5 tus menyuam yaus yuav muaj teeb meem txog kev kajsiab nyab xeeb suav los ntawm ib xyoos twg. Minnesota Medicaid pabcuam kev kho kev kajsiab nyab xeeb xws li 20% hauv tas nrho lub xeev. Lub xeev Minnesota yuav tsum txhawb ntxiv rau cov tub ntxhais hluas nrog cov neeg laus sawv daws kom muaj kev pab raws li lawd kev ntshaw thiab xav tau.
#8 Medicaid pab roos ib nrab ntawm kev kho kev siv yeeb siv tshuaj lossis quav tshuaj nyob hauv lub xeev Minnesota.
Kev siv cawv, siv yeeb, siv tshuaj tseem yog ib qho teeb meem loj uas tshuam rau cov tsev neeg thiab tej tibneeg nyob hauv Minnesota. Cov Opoids (yeeb tshuaj) yog yam tshuaj uas ua tau cov neeg tuag coob tshaj txhua yam tshuaj uas muaj, thiab qhov nov kuj tseem nce zuj zus. Nyob rau xyoo 2018, muaj li 343 tus neeg tuag vim yog siv cov tshuaj yeeb. Nyob rau xyoo 2023, tus lej ntawv nce mus txog 1,274 tus neeg. Kws yees li 450,000 mus txog 500,000 tus neeg nyob hauv Minnesota muaj kev cuam tshuam los ntawm kev quav tshuaj. Feem coob ntawm cov neeg uas mus kho mob quav yeeb, quav tshuaj, quav cawv yeej, lawd pos tau tias kev kho no pab tau lawd txo lossis txiav tau tsis siv lawm.
#9 Medicaid pab roos ib nrab ntawm cov nqi kho mob kho mus ntev nyob hau Minnesota.
Medicaid – tsis yog Medicare – yog qhov chaw loj tshaj plaws uas roos neeg uas xav tau kev kho mus ntev uas yog tej tsev tu neeg laus nyob hauv lub xeev. Medicaid tseem pabcuam kev saib xyuas mus ntev txhawb cov neeg nyob hauv zov, tsis tas yuav mus nyob hauv tej tsev kho mob loj.
#10 Medicaid pab txhua tus haiv neeg thoob plaws Minnesota tswhj xeeb tshaj nyob hauv cov ntug zos.
Txawm tias feem coob ntawm cov uas txais kev roos pab los ntawm Medical Assistance yog cov neeg meskas Dawb, Medical Assistance kuj roos cov neeg Dub, Cov Asmeskas Haiv Neeg Xeeb Txawm Qhab, Neeg Esxias, Pacific Islander lossis haiv neeg sib xyaw. Qhov no pab loj tshaj rau cov cheeb tsam ntug zos hauv Minnesota. Cov neeg uas txais kev roos ntawm Medicaid faib yuav los sib npaug nyob hauv 7 lub zos hauv nroog metro thiab ntawm cov ntug zos me hauv Minnesota. Tiamsis feem coob cov neeg nyob hauv ntug zos me hauv Minnesota txais lawv kev roos los ntawm Medicaid dua li cov nyob hauv cov zos loj.