Af Soomaali | English | Español
Nyob rau Hnub tim 4 lub 7 hli ntuj xyoo 2025, Thawj Tswj Hwm Trump tau tsim ib txoj cai tshiab uas yuav hloov ntau yam nyob rau hauv Medicaid, uas yog ib txoj kev pab them nqi kho mob los ntawm tsoomhwv. Hauv xeev Minnesota, lub program no hu ua Medical Assistance. Txhua lub xeev yuav tsum ua raws txoj cai tshiab no. Nws yuav muaj tej cai ntxiv uas tshuam rau qhov kev tsim nyog tau txais.
Minnesota Lub Tuam Tsev Haujlwm Ntsig Txog Kev Pabcuam Pejxeem (Minnesota Department of Human Services) lub hom phiaj yog pab kom cov neeg nyob hauv lub xeev Minnesota muaj kev noj qab haus huv. Vim li ntawv, txuas ntxiv mus lawd yuav qhia koj txog cov kev hloov uas yuav tab tom los, kom koj thiaj li paub npaj tau koj tus kheej thiab koj tsev neeg yog tias cov kev hloov ntawd yuav cuam tshuam rau koj.
Tam sim no tseem tsis tau muaj kev hloov dabtsi. Thawj thawj cov kev hloov yuav pib thaum lub caij nplooj ntoos zeeg xyoo 2026. Qhov no nws pab muab sijhawm rau DHS tau los mus tshuaj xyuas cov ntsiab lus kom paub meej, mus nrhiav ntaub ntawm tsoomhwm ntxiv, thiab pab kom DHS tshaj tawm cov kev hloov kom meej rau cov pejxeem nyob hauv lub xeev Minnsota. Thov mus xyuas lub website no los paub txog cov xov xwm tshiab uas tau tshaj tawm seb cov kev hloov no yuav cuam tshuam rau koj li cas.
Cov yam hloov no muaj li cas, yuav cuam tshuam rau leej twg, thiab yuav pib rau lub sijhawm twg?
Ntawm nov yog daim ntawv teev cov kev hloov:
Yam hloov: Yuav tsum mus ua haujlwm
Yuav cuam tshuam rau leej twg: Cov neeg uas muaj hnub nyoog 21 txog 64 xyoos uas tsis muaj menyuam nyob raws, tsis cev xeeb tub, thiab tsis tau txais Medical Assistance vim muaj kev xiam oob qhab.
Pib thaum twg: Lub Ib Hlis Ntuj Hnub Tim 1 Xyoo 2027.
Yam hloov: Yuav tsum cuv npe thov ua tshiab ntau zaus dua
Yuav cuam tshuam rau leej twg: Cov neeg uas muaj hnub nyoog 21 txog 64 xyoo uas tsis muaj menyuam nyob raws, tsis cev xeeb tub, thiab tsis tau txais Medical Assistance vim muaj kev xiam oob qhab.
Pib thaum twg: Lub Ib Hlis Ntuj Hnub Tim 1 Xyoo 2027.
Yam hloov: Kev txwv ntawm tsoomhwv kev pab them nqi rov qab thaum yus cuv npe thov
Yuav cuam tshuam rau leej twg: Cov neeg uas cuv npe thov Medical Assistance txij lub Ib Hlis Ntuj Hnub Tim 1 Xyoo 2027 los mus.
Pib thaum twg: Lub Ib Hlis Ntuj Hnub Tim 1 Xyoo 2027.
Yam hloov: Kev faib nqi rau qee yam kev pabcuam
Yuam cuam tshuam rau leej twg: Tej txhia neeg uas muaj hnub nyoog 21 txog 64 xyoo uas tsis muaj menyuam nyob raws, tsis cev xeeb tub, thiab tsis tau txais Medical Assistance vim muaj kev xiam oob qhab.
Pib thaum twg: Lub Kaum Hlis Ntuj Hnub Tim 1 Xyoo 2028
Yam hloov: Kev hloov hauv kev tsim nyog tau rau qee tus neeg uas tsiv teb tsaws chaw
Yuav cuam tshuam rau leej twg: Tsuas yog qee pawg neeg xws li cov neeg uas muaj daim ntawv tso cai nyob (lawful permanent residents), cov neeg tuaj los ntawm tebchaws Cuba thiab Haiti, thiab cov neeg tuaj los ntawm COFA (Compact of Free Association) thiaj li muaj kev tsim nyog tau txais Medical Assistance txuas ntxiv mus. Cov neeg uas tsis muaj kev tsim nyog tau txais lawm yog cov neeg muaj hnub nyoog 21 xyoo rov sauv uas yog neeg thoj nam tawg rog, cov neeg tau txais kev tso cai nyob ib ntus hauv tebchaw Asmeskas vim yog xav tau kev pab sai (humanitariam parolees), cov neeg uas tau txais kev tiv thaiv (asylum grantees), qee nkawm niam txiv thiab cov menyuam ua tau raug tsim txom, cov neeg raug tsim txom los ntawm kev ua lag laum muag neeg, thiab lwm tus uas txais kev pab los ntawm kev tiv thaiv tibneeg.
Pib thaum twg: Lub Kaum Hlis Ntuj Hnub Tim 1 Xyoo 2026
Tom ntej no kuv yuav tsum ua dab tsi?
Koj tsis tas yauv ua dabtsi thaum lub sijhawm no. Yog koj tsis xav poob koj kev duav roos pov hwm kev kho mob, nco ntsoov ua cov yam hauv qab no:
- Nco ntsoov xyuas koj cov ntaub ntawv tiv tauj seb puas tau hloov. Yog hloov lawm, thov tso xov rau peb paub.
- Xyuas seb puas pom lawd xa lub nab ntawv uas muaj lub cim xiav tuaj rau koj thaum txog lub caij rov qab thov dua. Nco ntsoov ua koj cov ntaub ntawv xa mus tam siv.
- Mus xyuas lub website mnrenewallookup.com kom paub ntxiv txog koj qhov kev duav roos pov hwm kev kho mob.
- Xyuas lub website ntawv no los paub txog lwm yam xov xwm los ntawm DHS.
Yog koj xav kawm paub ntxiv los yog xav qhia koj qhov xwm txheej cuam tshuam los ntawm Medicaid, thov:
- Mus xyuas mn.gov/dhs/medicaid-matters kom kawm paub ntxiv txog qhov hauv kev ua Medicaid pab tau 1 feem tsib tus neeg nyob hauv lub xeev Minnesota lawd txoj kev noj qab haus huv.
- Mus xyuas mn.gov/dhs/medicaid-matters/faces-of-medicaid los piav qhia txog vim li cas Medicaid thiaj tseem ceeb rau koj, thiab nyeem lwm tus neeg nyob hauv lub xeev Minnesota cov xwm txheej uas lawd qhia tawm.
Yuav tsis cuam tshuam rau cov neeg twg?
Medical Asisstance yog ib feem tshwj xeeb uas pab kev noj qab haus huv rau pejxeem nyob rau lub xeev Minnesota. Vim li ntawd, ntau tus neeg hauv xeev Minnesota tej zaum yuav pom kev cuam tshuam los ntawm tej kev hloov pauv no. Cov neeg uas twb cuv npe nrog Medical Assistance uas yuav tsis raug cuam tshuam yog cov neeg teev hauv qab no:
- Tau kev pab vim muaj kev xiam oob qhab
- Muaj hnub nyoog 65 xyoo rov sauv
- Muaj hnub nyoog 20 xyoo rov hauv
- Cev xeeb tub
Kev hloov rau cov kev pov hwm kev kho mob ntiag tug yuav yog dabtsi?
Tej hloov los ntawm tsoomhwv feem ntau yuav ua rau qee tsev neeg tau txais kev pab tsawg dua. Tiamsis coob leej tus nyob xeev Minnesota tseem txais tau kev pab nrog rau kev luv nqi rau kev kho mob ntiag tug los ntawm MNsure.