6-21-2023
Cov neeg hauv Minnesota nrog Medical Assistance thiab MinnesotaCare tam sim no tuaj yeem tshawb nrhiav lub hli uas lawv daim foos txuas sij hawm qhov kev tuav pov hwm kev noj qab haus huv uas yuav tuaj txog hauv chaw xa ntawv.
Tib neeg tuaj yeem tshawb nrhiav lawv lub hli txuas sij hawm tau ntawm mn.gov/dhs/renewmycoverage/.
Txhawm rau siv qhov tshawb nrhiav, tib neeg yuav tsum sau tus naj npawb xwm txheej sau los ntawm lawv qhov kev ceeb toom los sis daim ntawv sau nqi thiab tus naj npawb tswv cuab uas teev nyob rau hauv lawv daim npav Lub Khoos Kas Saib Xyuas Kev Noj Qab Haus Huv Minnesota (Minnesota Health Care Program). Yog tias tus neeg tsis paub txog lawv qhov xwm txheej los sis tus naj npawb tswv cuab, lawv tuaj yeem hu rau lawv lub cheeb tsam nroog los sis Pawg Neeg Qhab cov neeg ua hauj lwm.
Thaum daim foos tuaj txog, nws yog qhov tseem ceeb heev uas yuav tau ua kom tiav thiab rov qab muab xa tam sim kiag nrog tej ntaub ntawv ua xav tau. Yog tias cov neeg muaj cai tsis xa daim foos rov qab, tej zaum lawv yuav plam lawv qhov kev tuav pov hwm kev noj qab haus huv. Kev ceev qhov kev tuav pov hwm kev noj qab haus huv ua kom nws yooj yim tshaj plaws txhawm rau tau txais kev saib xyuas kev noj qab haus huv thiab zam qhov kev yuav ua rau kev noj qab haus huv puas tsuaj tshaj qub tuaj.
“Nws yog ib qho tseem ceeb heev rau cov neeg txhawm rau kom npaj txhij los nqis tes ua thaum lawv daim foos txuas sij hawm tuaj txog hauv chaw xa ntawv” Jodi Harpstead Tus Thawj Sab Laj Saib Xyuas Cov Kev Pab Cuam Tib Neeg tau hais tseg. “Qhov kev tshawb nrhiav kev txuas sij hawm qhia rau lawv paub tias thaum lawv saib lawv qhov chaw xa ntawv yog li ntawd lawv yuav tuaj yeem ua tau txhua yam raws li xav tau txhawm rau ceev lawv qhov kev tuav pov hwm kev noj qab haus huv.”
Lub sij hawm uas tus neeg txuas sij hawm Medical Assistance yog yuav saib raws li lub hli uas lawv ua qhov kev tuav pov hwm thawj zaug. Yog tias qee leej tau muaj cai txais hauv Lub Yim Hli Ntuj 2019, lawv lub hli txuas sij hawm yog Lub Yim Hli Ntuj, thiab lawv tuaj yeem cia siab tau tias daim foos yuav tuaj txog hauv chaw xa ntawv hauv Lub Rau Hli Ntuj.
Cov neeg nrog MinisotaCare tuaj yeem tau txais lawv cov foos txuas sij hawm ua ntej Lub Kaum Ib Hli Ntuj.
Ib hauv plaub ntawm cov neeg hauv Minnesota muaj qhov kev tuav pov hwm ntawm Medical Assistance los sis MinnesotaCare. Lub Xeev, cheeb tsam nroog thiab Pawg Neeg Qhab cov neeg ua hauj lwm yuav tau tshuaj xyuas kev tsim nyog rau 1.5 lab tus tib neeg hauv txhua hli puag ncig mus txog Lub Tsib Hli Ntuj 2024.
DHS tau siv ib txoj hauv kev sib raug zoo nrog cov tib neeg txhawm rau nkag txog lawv qhov kev txuas sij hawm, suav nrog tsab ntawv ceeb toom rau cov tib neeg txhawm rau kom lawv saib qhov chaw xa ntawv thiab xa daim foos kom raug raws sij hawm. Cov tib neeg kuj tseem tuaj yeem ua tiav qhov kev lis txuas sij hawm los ntawm kev xa cov ntaub ntawv hauv oos lais los sis hauv xov tooj.
Nrhiav paub ntxiv hais txog cov kev txuas sij hawm ntawm https://mn.gov/dhs/renewmycoverage/
