2023-04-27
Minnesota tau pib txheeb xyuas kev tsim nyog pab rau cov neeg nyob hauv cov kev pab kho mob rau zej tsoom.
Cov ntawv ceeb toom tau muab xa mus rau 100,000 tus neeg uas txais Kev Pab Kho Mob (Medical Assistance) hauv lub hlis no. Txog thaum lub Tsib Hlis xyoo 2024, cov neeg ua hauj lwm hauv lub xeev, lub nroog thiab Haiv Neeg Khab yuav tshuaj xyuas cov kev cai tsim nyog txais kev pab rau 1.5 lab tus tib neeg.
Minnesota Lub Tuam Tsev Saib Xyuas Kev Pab Cuam Tib Neeg thiab cov koom haum sib koom tes xav kom cov neeg uas tsim nyog tau txais ntaub ntawv pov hwm kev noj qab haus huv muaj kev pov hwm txuas ntxiv mus. Ib ntawm plaub tug neeg hauv Minnesota tau txais Kev Pab Kho Mob (Medical Assistance) los sis MinnesotaCare. Kev plam qhov kev pov hwm no yuav ua rau txoj kev rov muaj kev pov hwm nyuaj dua qhov qub thiab tej zaum yuav ua rau kev noj qab haus huv muaj qhov tsis sib cuag ncua ntau zuj zus.
"Nws tseem ceeb heev rau tib neeg tuav tswj lawv cov kev pov hwm kev noj qab haus huv," Tus Thawj Pab Pawg Saib Xyuas Kev Pab Cuam Tib Neeg Jodi Harpstead tau hais. "Thov qhia koj cov ntaub ntawv chaw nyob thiab xov tooj kom meej pem es peb thiaj tiv tauj tau rau koj thiab nco ntsoov saib cov ntaub ntawv tseem ceeb uas raug xa tuaj rau koj."
Cov neeg tau tso npe rau hauv qhov Kev Pab Kho Mob (Medical Assistance) thiab MinnesotaCare feem ntau yuav tsum tau raug tshuaj xyuas ib zaug rau ib xyoos seb lawv qhov kev tsim nyog txais kev pab cuam puas tseem nyob li qub. Qhov txheej txheem no hu tias kev txuas ntaub ntawv dua tshiab.
Cov kev txuas ntaub ntawv tau raug tso tseg thaum lub sij hawm muaj tus kab mob thoob ntiaj teb. Qhov ntawd tau pab cov neeg hauv Minnesota tau txais kev saib xyuas kev noj qab haus huv, tuav tswj tus nqi kho mob kom qis rau cov neeg tsis muaj kev pov hwm thiab rub ntau txhiab lab nyiaj daus las ntawm tsoom fwv los pab lub xeev duav roos cov nqi kho mob thiab kom tib neeg tau txais kev pov hwm. Kwv yees li 360,000 tus neeg tau tso npe ntxiv rau qhov Kev Pab Kho Mob (Medical Assistance) thiab MinnesotaCare, nce ntau ntxiv txog 30%.
Kev txuas ntaub ntawv dua tshiab rau qhov Kev Pab Kho Mob yuav muaj sib txuas zias txhua txhua lub hlis. Cov neeg uas muaj MinnesotaCare yuav tau txais cov ntawv ceeb toom thaum lub caij nplooj zeeg.
Cov ntaub ntawv txuas dua tshiab yuav raug xa raws kev xa ntawv tuaj. Ua cov ntaub ntawv kom tiav thiab muab xa rov qab sai li sai tau nrog lwm cov ntaub ntawv uas tsim nyog thiaj yuav pab kom sawv daws tau txais kev pov hwm txuas ntxiv mus. Lub xeev kuj tseem tab tom tsim txoj hauv kev zoo rau sawv daws los mus ua cov txheej txheem ntaub ntawv kom tau nrog kev hu xov tooj los sis nyob rau online.
Nrhiav kom paub ntxiv txog kev txuas ntaub ntawv dua tshiab ntawm no, suav nrog rau kev yuav hloov kho koj cov ntaub ntawv chaw nyob thiab xov tooj kom meej pem thiab: https://mn.gov/dhs/renewmycoverage/
