Lub Tuam Tsev Haujlwm Ntsig Txog Kev Pabcuam Pejxeem mob siab pab cov neeg nyob Minnesota kom lawv muaj kev noj qab haus huv. Ib feem ntawm txoj kev ntawd yog kev  xyuas kom cov chaw muab kev pabcuam muab kev pab zoo siab thiab khiav dej num raws li txoj cai.

Tsis ntev los no, lub tuam tsev ua haujlwm tau tshuaj xyuas thiab txheeb xyuas ze li 5,600 tus neeg thiab cov chaw muab kev pabcuam thoob plaws lub xeev Minnesota. Qhov no yog rau kev mob siab tshem tawm cov neeg muab kev pabcuam uas tsis raws cai thiab cov uas muaj feem cuam tshuam los ntawm 13 thaj chawm pabcuam ntawm Medicaid uas tej zaum muaj kev dag ntxias. Thaum lub Tsib Hlis Ntuj xaus, ntau tus neeg muab kev pabcuam yuav raug rho tawm. Peb lub hom phiaj yog los txhawb kev nkag mus rau kev saib xyuas txuas ntxiv mus nyob rau lub sijhawm tshem tawm ntawm cov kwm kho mob no thiab peb xav pab muab kev pab pub rau koj raws li koj txoj kev xav tau.

Qhov no txhais li cas rau kuv?

Cov neeg thiab cov chaw muab kev pabcuam uas raug rho npe tawm muaj kev xaiv seb lawv yuav kaw lawv txoj kev pab lossis thov kom rov xyuas qhov kev txiav txim dua. Cov neeg thiab cov chaw muab kev pabcuam uas thov kom rov xyuas dua tseem tuaj yeem muab kev pab ntxiv thaum lub sijhawm tseem tab tom thov rov xyuas dua kev txiam txim.

Yog tias koj tus neeg lossis lub chaw muab kev pab cuam rau koj txiav txim siab kaw mus li lawm, koj tuaj yeem pib ntawm no kom koj tseem tau txais cov kev pab uas koj xav tau.

Kev nrhiav ib tug kws muab kev pabcuam tshiab

Yog tias koj muaj ib tug neeg sawv cev pab koj (case manager) lossis ib tug neeg pab tswj koj txoj kev kho mob (care coordinator) los ntawm lub cheeb tsam, lub koom haum uas raug ntiav los pab, Pab Pawg Haiv Neeg Xeeb Txawm Qhab, lossis koj qhov kev npaj kho mob:

Hu rau tus neeg sawv cev pab koj (case manager) lossis tus neeg pab tswj koj txoj kev kho mob (care coordinator) uas raug muab los pab koj, los tham txog kev xaiv kev pab uas yuav muaj rau koj raws li koj kev xav tau.

Yog tias koj tsis muaj ib tug neeg sawv cev pab koj (case manager) lossis ib tug neeg pab tswj koj txoj kev kho mob uas raug muab los pab koj, siv cov ntawv teev npe no los nrhiav cov neeg lossis cov chaw muab kev pabcuam nyob hauv koj cheeb tsam.

  • Minnesota Health Care Programs Provider Directory: Nrhiav cov ntaub ntawv tiv tauj rau cov neeg lossis cov chaw muab kev pabcuam hauv Minnesota, uas muab faib raws hom kev pab uas koj xav tau. Yog koj tau txais cov kev pab kho mob los ntawm ib lub phiaj xwm tuav pov hwm kho mob, tsis txhob siv daim ntawv teev npe no.
  • County Adult Mental Health Teams: Txais kev ntsuam xyuas, kev xa mus rau lwm cov kev pab, kev pab los ntawm tus neeg sawv cev pab koj (case manager), thiab kev pab thaum muaj xwm txheej kub ntxhov. Yog koj tsis paub yuav tiv tauj koj cheeb tsam pab neeg li cas, hu rau United Way 211 ntawm 1-800-543-7709 lossis hu 211, lossis mus saib 211unitedway.org.

Cov kev pab thiab kev txhawb nqa uas muaj ntxiv

  • Minnesota Aging & Disability Resources (yav tas los hu ua MnHelp.info): Qhov kev pab no yog ib qho chaw uas koj mus nrhiav tau ntaub ntawv txog kev nrhiav cov neeg pab tu thiab saib xyuas tibneeg (PCA), kev pab rau kev kajsiab nyab xeeb thiab kev coj tus cwj pwm xeeb ceem, kev pab rau cov neeg muaj Ib qho kev tsis taus uas yog puas rau phab kev nrog  lwm tus tham thiab koom nrog lwm tus (autism), vajtse nyob, kev kho mob, kej thauj mus los,  nyiaj txiag, kev pab rau kev cai lij choj, thiab lwm yav ntxiv. Koj kuj tshawb nrhiav tau cov neeg lossis cov chaw muab kev pab raws hom kev zam uas koj tau txais.
  • Disability Hub MN: Yog ib lub koom haum koom tes thiab pab dawb thoob plaws hauv xeev. Nws pab cov neeg xiam oob qhab daws teeb meem, nkag mus siv  qhov system, thiab npaj rau yav tom ntej. Hu rau 1-866-333-2466, qhib hnub Monday txog hnub Friday, thaum 8:30 sawv ntxov txog 5 teev tsaus ntuj.
  • Minnesota Aging Pathways (yav tas los hu ua Senior LinkAge Line) rau cov neeg laus thiab cov neeg saib xyuas lawv: Hu rau 1-800-333-2433, qhib hnub Monday txog hnub Friday, thaum 8 teev sawv ntxov txog 4:30 teev tav su.
  • Cov kev pab rau kev kajsiab nyab xeeb thiab kev pab tswj kev kho mob (care coordination): Mus saib mn.gov/dhs/bha-resources/ kom pom daim ntawv teev tasnrho cov kev pab uas muaj.
  • Kev pab txog vajtse nyob: Mus saib Housing Benefits 101 (HB101) kom paub ntxiv txog cov kev pab uas yuav pab koj nrhiav thiab tuav tau vajtse nyob. HousingLink muab cov kev pab thiab ntaub ntawv txog vajtse pheej yig rau cov neeg xauj tsev. Thiab mus saib Minnesota Housing.
  • Minnesota Autism Resource Portal: Ib qho chaw qhia pib ib kauj ruam zuj zus rau cov neeg uas tab tom nrhiav kev pabcuam txog kev tsis taus uas yog puas rau phab kev nrog lwm tus tham thiab koom nrog lwm tus (autism), muab faib raws li hnub nyoog, nrog cov lus qhia tias yuav tiv tauj leej twg, yuav thov hom kev ntsuam xyuas twg, thiab yuav pib siv cov program twg ua ntej.
  • Kev pab rau nyiaj txiag: Koj tuaj yeem thov kev pab nyiaj txiag thiab lwm cov program hauv online los ntawm kev siv MNbenefits Application, lossis ua daim ntawv Combined Application Form thiab xa mus rau koj cheeb tsam lossis lub tuam tsev ua haujlwm ntsig txog kev pabcuam pejxeem ntawm Pab Pawg Haiv Neeg Xeeb Txawm Qhab.

Cov kev pab uas pab txhawb thiab sawv cev

Tiv tauj ib lub koom haum pab rau kev cai lij choj kom tau kev pab txog txoj cov cai ntawm tus neeg xauj tsev thiab tus tswv tsev. HOME Line muab kev pab dawb lossis pheej yig thoob plaws hauv xeev rau cov neeg xauj tsev. Cov kev pab los ntawm tus xov tooj pab khaws tsis qhia tawm rau lwm tus paub thiab muab tau kev pab sib tham hauv xov tooj lossis hauv email. Muaj ib tug xov tooj hu dawb rau cov neeg xauj tsev nyob rau Greater Minnesota. HOME Line muaj xov tooj pab rau cov neeg hais lus Spanish, Somali, lossis Hmoob.

Tiv tauj cov Ombudsman Offices (Chaw Haujlwm Tshuaj Ntsuam Teeb Meem) hauv Minnesota los qhia txog koj qhov teeb meem thiab txais cov ntaub ntawv qhia txog koj cov cai.

Puas muaj lus nug?

  • Yog koj muaj phiaj xwm tuav pov hwm kho mob, hu rau lawv tus xov tooj pab cov tswv cuab.
  • Hu Health Care Consumer Support ntawm 651-297-3862 lossis 1-800-657-3672 kom tau kev pab nrhiav cov kev pab uas roos los ntawm fee-for-service. Lawv qhib hnub Monday txog Friday, thaum 8 teev sawv ntxov txog 5 teev tsaus ntuj.
    • HCCS muaj kev pab txhais lus pub dawb rau cov neeg uas hais lus Askiv tsawg lossis tsis paub lus Askiv.
    • TTY: Siv qhov kev pab txuas lus xov tooj uas koj nyiam siv.