Kev cuv npe thov dua txhua 6 lub hlis

Pib rau xyoo 2027, qee tus neeg laus uas tau Medical Assistance yuav tsum rov cuv npe thov dua tshiab txhua rau lub hlis, tsis yog ib xyoos ib zaug lawm.

Kev cuv npe thov dua txhua 6 lub hlis puas cuam tshuam rau kuv?

Cov kev hloov no cuam tshuam rau cov neeg laus uas muaj MA raws li cov hauv qab no:

Muaj hnub nyoog 21 txog 64 xyoos
Tsis nyob nrog lawv cov menyuam uas muaj hnub nyoog qis dua 19 xyoos
Tsis cev xeeb tub
Tsis tau MA raws li kev xiam oob qhab

Qhov no nws tsis cuam tshuam rau koj yog tias:

Tau kev pab vim muaj kev xiam oob qhab
Yog niam txiv nyob nrog lawv cov menyuam uas muaj hnub nyoog qis dua 19 xyoos
Muaj hnub nyoog 65 xyoo rov sauv
Muaj hnub nyoog 20 xyoo rov hauv
Cev xeeb tub
Yog Pab Pawg Neeg Asmeskas Haiv Neeg Xeeb Txawm Qhab lossis Pab Pawg Neeg Alaska Haiv Neeg Xeeb Txawm Qhab

Lwm yam kev hloov

Cov cai yuav tsum mus ua haujlwm

Retroactive coverage
(Tsoomfwv kev pab them nqi rov qab thaum yus cuv npe thov)

Cov neeg laus uas tsis yog neeg xam xaj

Yog tias kev cuv npe thov dua tshiab txhua 6 lub hlis yuav cuam tshuam rau koj, ua li cov hauv qab no tam sim no

Nco ntsoov xyuas koj cov ntaub ntawv tiv tauj seb puas tau hloov. Yog hloov lawm, thov tso xov rau peb paub. Kawm seb yuav hloov koj cov ntaub ntawv tiv tauj li cas.

Xyuas seb puas pom lawd xa lub nab ntawv uas muaj lub cim xiav tuaj rau koj thaum txog lub caij rov qab thov dua. Nco ntsoov ua koj cov ntaub ntawv xa mus tam siv.

Mus xyuas lub website mnrenewallookup.com kom paub ntxiv txog koj qhov kev duav roos pov hwm kev kho mob.

Thov qhia rau koj lub koom haum hauv zos lossis lub koom haum pab cov Neeg Asmeskas Haiv Neeg Xeeb Txawm Qhab yog tias muaj tej xwm txheej hloov xws li kev cev xeeb tub, nyiaj tau los hloov, cov neeg hauv tsev neeg tau hloov, lossis kev nyob tebchaws tau hloov.

Nrhiav kev pab

Koj txais tau kev pab pub dawb los ntawm ib tug kws lis haujlwm muab kev pab (navigator). Mus xyuas lub website www.mnsure.org/hmong/free-help