Retroactive coverage
(Tsoomfwv kev pab them nqi rov qab thaum yus cuv npe thov)

Retroactive Medical Assistance pab kom cov neeg uas muaj kev tsim nyog tau kev pab them nqi rov qab tau txog peb lub hlis ua ntej hnub lawv thov, yog lawv tau txais cov kev kho mob uas Medical Assistance them rau lub sijhawm ntawd.

Pib Lub Ib Hlis Ntuj Hnub Tim 1, 2027, txoj cai ntawm tsoomfwv tebchaws yuav txo lub sijhawm uas Medical Assistance them tau rov qab rau cov kev kho mob uas tau txais ua ntej lub hli uas ib tug neeg tau thov. Txawm li ntawd, Minnesota State Legislature (Lub Koom Txoos Uas Muaj Cai Tsim Cai Lij Choj) tau pom zoo kom txuas ntxiv kev pab them rov qab uas yog peb lub hlis ntxiv mus xws li ib xyoos ntxiv. Qhov no txhais tau tias kev pab them rov qab uas raug txo, yuav pib rau Lub Ib Hlis Ntuj Hnub Tim 1, Xyoo 2028. Minnesota tseem yuav muaj kev pab them rov qab tau peb lub hlis mus txog rau xyoo 2027.

Thaum txoj kev hloov no pib siv rau xyoo 2028, Medical Assistance qhov kev pab them nqi rov qab yuav hloov. Nws yuav txo los ntawm qhov ntau tshaj uas yog 3 lub hlis mus rau ib lub hlis, rau cov neeg laus hub nyoog 21 txog 64 xyoos uas tsis muaj menyuam nyob raws lawd, tsis cev xeeb tub, thiab tsis muak kev tsim nyog tau txais Medical Assistance raws li kev xiam oob qhab. Rau lwm cov neeg, kev pab them nqi rov qab yuav txo mus rau ob lub hlis.

Nws puas cuam tshuam rau kuv?

Txoj kev hloov no tej zaum yuav cuam tshuam cov neeg uas thov Medical Assistance tom qab lawd twb tau txais kev kho mob lawm thiab. Qhov no yog ib qhov tseem ceeb rau kev khaws kev duav roos pov hwm kev kho mob kom txhob poob. Yog ib tug neeg poob kev duav roos pov hwm kev kho mob vim tias nws tsis rov cuv npe thov dua tshiab raws li sijhawm, los yog tsis teb ib tsab ntawv ceeb toom, lossis muaj ntaub ntawv tiv tauj qub lawm, tej zaum nws yuav tau txais kev pab them nqi rov qab tsawg dua yog tias nws yuav tsum tau cuv npe thov dua tom qab ntawd.