Kev hloov rau qee tus neeg laus uas tsis yog neeg xam xaj
Pib thaum Lub Kaum Hli Ntuj Hnub Tim 1, 2026, txoj cai ntawm tsoomfwv tebchaws yuav hloov seb leej twg thiaj li muaj kev tsim nyog tau tsoomfwv kev pabcuam Medical Assistance, raws li lawv txoj kev nyob tebchaws.
Nws puas cuam tshuam rau kuv?
Qhov no siv rau cov neeg laus uas tsis yog neeg xam xaj, hnub nyoog 21 xyoos lossis laus dua, uas tsis cev xeeb tub thiab muaj qee yam kev nyob tebchaws, xws li cov neeg thoj nam tawg rog, cov neeg tau cai nyob vim thov kev pab thiab kev tiv thaiv, cov neeg Afghan thiab Ukrainian uas raug tso cai nyob ib ntus vim xav tau kev pab sai, cov neeg raug tsim txom ntawm kev ua lag luam muag neeg, cov tibneeg tsis yog neeg xam xaj uas raug tsim txom.
Thaum Lub Rau Hli Ntuj Xyoo 2026, Lub Tuam Tsev Haujlwm Ntsig Txog Kev Pabcuam Pejxeem hauv Minnesota yuav xa ib tsab ntawv tuaj rau koj yog tias koj cov ntaub ntawv qhia tias qhov kev hloov no yuav cuam tshuam rau koj.
Kev hloov no yuav mus zoo li cas?
- Thaum lub Yim Hli Ntuj xaus mus txog thaum Lub Cuaj Hli Pib rau xyoo 2026, peb yuav tshuaj xyuas cov ntaub ntawv MA rau cov neeg uas tej zaum yuav tsis muaj kev tsim nyog tau MA ntxiv raws li lawd txoj kev xam xaj nyob tebchaws. Yog tias koj tsis tsim nyog tau lawm, peb yuav xa ib tsab ntawv ceeb toom tuaj rau koj qhia tias koj txoj kev pab MA yuav xaus rau Lub Cuaj Hlis Ntuj Hnub Tim 30, 2026.
- Tej zaum koj yuav muaj kev tsim nyog thov tau MinnesotaCare lossis lwm txoj kev pab kho mob yog tias koj nyob hauv tebchaws no muaj xam xaj raws cai thiab muaj kev tsim nyog raws li lwm kev pabcuam. Peb yuav xa ib tsab ntawv tuaj rau koj yog tias peb xav tau ntaub ntawv ntxiv los txiav txim seb koj puas muaj kev tsim nyog tau.
Leej twg tseem yuav muaj kev tsim nyog tau Medical Assistance?
Pib Thaum Lub Kaum Hli Ntuj Hnub Tim 1, Xyoo 2026, kev tsim nyog tau Medical Assistance rau cov neeg laus uas tsis yog neeg xam xaj, muaj hnub nyoog 21 xyoos lossis laus dua, uas tsis cev xeeb tub, yuav txwv rau cov kev hauv qab no:
- Cov neeg muaj cai nyob hauv tebchaws no raws cai (Lawful Permanent Residents) (LPRs lossis “cov muaj npav ntsuab”) uas twb tos nyob hauv tebchaws tau tsib xyoos lawm lossis muaj cai zam tsis tas tos tsib xyoos
- Cov neeg tuaj ntawm Cuban lossis Haiti
- Cov neeg tsiv tebtsaws chaw raws li Compact of Free Association (COFA) — cov neeg uas yog pejxeem ntawm tebchaws Micronesia, Palau, thiab Marshall Islands.
Kev pab ntawm Medical Assistance tseem muaj rau cov neeg uas tsis yog neeg xam xaj xws li cov hauv qab no:
- Cov menyuam hnub nyoog qis dua 21 xyoos uas nyob hauv tebchaws no raws cai
- Cov neeg cev xeeb tub, tsis hais lawv txoj kev xam xaj nyob tebchaws zoo li cas
Yog tias cov kev hloov rau cov neeg tsis muaj kev xam xaj nyob tebchaws yuav cuam tshuam rau koj, ua li cov hauv qab no tam sim no
Nrhiav kev pab
- Koj txais tau kev pab pub dawb los ntawm ib tug kws lis haujlwm muab kev pab (navigator). Mus xyuas lub website https://www.mnsure.org/help/findassister/index
- Tus Xov Tooj Pab Rau Cov Neeg Thoj Nam Tawg Rog Thiab Cov Neeg Tsiv Teb Tsaws Chaw (Refugee and Immigrant Helpline) txuas koj mus rau cov kev pabthiab cov chaw pabcuam nyob hauv koj lus zos. Hu tuv xov tooj Helpline ntawm 800-814-4806 lossis mus xyuas lub website: mn.gov/dhs/resettlement/helpline-hm/. Nco tseg, tus xov tooj Helpline no tsis pab tib neeg cuv npe thov kev pab kho mob thiab tsis ntsuam xyuas seb lawv puas tsim nyog tau kev pab.
- Tiv tauj rau ib tug kws paub txoj cai lij choj yog tias koj muaj lus nug txog kev nyob tebchaws.