Muaj kev hloov yuav los rau Medicaid uas yog ib hom kev duav roos pov hwm kev kho mob ua muaj lub npe hu ua Medical Assistance MA (Tsoomfwv Kev Pabcuam Rau Kev Kho Mob) nyob rau hauv lub xeev Minnesota. Tam sim no tseem tsis tau muaj dabtsi hloov, thiab koj tsis tas yauv ua dabtsi thaum lub sijhawm no. Thawj thawj cov kev hloov yuav pib thaum Lub Kaum Hli Ntuj Xyoo 2026. Peb yuav qhia cov neeg nyob hauv Minnesota ntxiv thaum peb paub meej txog cov ntsiab lus lawm.
Cov yam hloov no muaj li cas, yuav cuam tshuam rau leej twg, thiab yuav pib rau lub sijhawm twg?
Cov neeg laus uas tsis yog neeg xam xaj
Yam hloov: Kev hloov hauv kev tsim nyog tau rau qee tus neeg uas tsiv tebtsaws chaw uas muaj kev tsim nyog tau txais MA
Pib thaum twg: Oct. 1, 2026
Yuav cuam tshuam rau leej twg: Qhov kev hloov no cuam tshuam rau cov neeg laus uas tsis yog neeg xam xaj, hnub nyoog 21 xyoos lossis laus dua, uas tsis cev xeeb tub, thiab muaj xwm txheej nyob hauv tebchaws xws li cov neeg Afghan thiab Ukrainian uas tau txais kev tso cai nyob ib ntus hauv Amsmeskas vim yog xav tau kev pab sai, yog neeg raug tsim txom ntawm kev ua lag luam muag neeg, cov neeg tsis yog neeg xam xaj uas raug tsim txom, thiab cov qub tub rog uas tsis yog neeg xam xaj tabsis muaj kev tsim nyog tau kev pab. Lawd yuav tsis muaj kev tsim nyog los tau txais MA pib thaum Lub Kaum Hli Ntuj Hnub Tim 1, Xyoo 2026.
Tsuas yog cov neeg laus uas tsis yog neeg xam xaj, hnub nyoog 21 xyoos lossis laus dua, uas tsis cev xeeb tub thiab muaj cov kev nyob teb chaws hauv qab no thiaj yuav tsim nyog tau MA.
- Cov neeg muaj cai nyob hauv tebchaws no raws cai (LPRs lossis “cov muaj daim npav ntsuab”) uas twb tos tau tsib xyoos lawm, lossis muaj kev zam tsis tas tos tsib xyoos
- Cov neeg tuaj ntawm lub tebchaws Cuba lossis Haiti
- Cov neeg tsiv tebtsaws raws Compact of Free Association (COFA) — cov neeg uas yog pejxeem los ntawm Micronesia, Palau, thiab Marshall Islands
Nco ntsoov: Cov menyuam hnub nyoog qis dua 21 xyoos uas nyob raws cai thiab cov neeg cev xeeb tub, tsis hais lawd txoj kev nyob tebchaws zoo li cas, lawd tseem yuav muaj kev tsim nyog tau txais MA.
Cov cai yuav tsum mus ua haujlwm
Yam hloov: Cov cai hais kom qee tus neeg laus yuav tsum ua haujlwm thiaj li muaj feem tsim nyog tau txais MA.
Pib thaum twg: Jan. 1, 2027
Yuav cuam tshuam rau leej twg: Cov neeg uas muaj hnub nyoog 21 txog 64 xyoos uas tsis muaj menyuam hnub nyoog 19 xyoos rov hauv uas nyob raws, tsis cev xeeb tub, tsis yog Pab Pawg Asmeskas Haiv Neeg Xeeb Txawm Qhab, thiab tsis tau txais Medical Assistance vim muaj kev xiam oob qhab.
Pib rau xyoo 2027, cov neeg laus uas muaj hnub nyoog tshaj 18 xyoo rov saud yuav tsum qhia tias lawv ua haujlwm, kawm ntawv, ua haujlwm pab dawb, koom ib qho kev pab nrhiav lossis muaj kev cob qhia haujlwm, lossis muaj kev zam, kom lawv thiaj tau lossis khaws tau kev pab los ntawm MA. Kawm paub ntxiv seb leej twg yuav raug cuam tshuam, yam dej num twg thiaj li suav tias yuav muaj kev tsim nyog, seb cov kev zam yog dabtsi, thiab seb koj yuav ua li cas tam sim no kom pab khaws tau koj txoj duav roos pov hwm kev kho mob.
Kev cuv npe thov dua txhua 6 lub hlis
Yam hloov: Kev cuv npe thov dua txhua 6 lub hlis rau qee tus neeg laus uas tau MA
Pib thaum twg: Lub Ib Hlis Ntuj Hnub Tim 1 Xyoo 2017
Yuav cuam tshuam rau leej twg: Cov neeg uas muaj hnub nyoog 21 txog 64 xyoos uas tsis muaj menyuam hnub nyoog 19 xyoos rov hauv uas nyob raws, tsis cev xeeb tub, tsis yog Pab Pawg Asmeskas Haiv Neeg Xeeb Txawm Qhab, thiab tsis tau txais Medical Assistance vim muaj kev xiam oob qhab.
Pib rau xyoo 2027, cov neeg muaj npe tau MA no yuav tsum rov thov dua tshiab txhua rau lub hlis, tsis yog ib xyoos ib zaug lawm. Kawm paub ntxiv seb leej twg yuav raug kev cuam tshuam, kawm seb yuav tsum xyuas cov ntawv ceeb toom twg, thiab yuav ua li cas thiaj li khaw tau kev duav roos pov hwm kev kho mob kom tsis tu ncua.
Retroactive coverage
(Tsoomfwv kev pab them nqi rov qab thaum yus cuv npe thov)
Yam hloov: Kev txwv ntawm tsoomfwv kev pab them nqi rov qab thaum yus cuv npe thov
Pib thaum twg: Lub Ib Hlis Ntuj Hnub Tim 1 Xyoo 2028
Yuav cuam tshuam rau leej twg: Cov neeg uas cuv npe thov Medical Assistance txij Lub Ib Hlis Ntuj Hnub Tim 1 Xyoo 2028 los mus.
Txoj cai ntawm tsoomfwv tebchaws yuav txo lub sijhawm uas MA them tau cov nqi kho mob uas muaj kev pab them rau yav dhau los, ua ntej ib tug neeg thov MA. Txawm li ntawd los, Minnesota tseem yuav siv nyiaj ntawm lub xeev los pab them rov qab tau peb lub hlis ua ntej mus txog rau xyoo 2027. Qhov no yuav ncua kom txoj cai ntawm tsoomfwv tebchaws tsis txhob cuam tshuam rau cov neeg nyob Minnesota kom mus txog Lub Ib Hlis Ntuj Hnub Tim 1, Xyoo 2028. Kawm paub txog vim li cas kev mus cuv npe thov kom ntxov, rov thov dua tshiab kom raws sijhawm, thiab tsis txhob cia kev duav roos pov hwm kev kho mob tu ncua thiaj li tseem ceeb.
Yuav tsis cuam tshuam rau cov neeg twg?
Medical Asisstance yog ib feem tshwjxeeb uas pab kev noj qab haus huv rau pejxeem nyob rau lub xeev Minnesota. Vim li ntawd, ntau tus neeg hauv xeev Minnesota tej zaum yuav pom kev cuam tshuam los ntawm tej kev hloov pauv no. Cov neeg uas twb cuv npe nrog Medical Assistance uas yuav tsis raug cuam tshuam yog cov neeg teev hauv qab no:
- Tau kev pab vim muaj kev xiam oob qhab
- Muaj hnub nyoog 65 xyoo rov sauv
- Muaj hnub nyoog 20 xyoo rov hauv
- Cev xeeb tub
- Yog Pab Pawg Neeg Asmeskas Haiv Neeg Xeeb Txawm Qhab lossis Pab Pawg Neeg Alaska Haiv Neeg Xeeb Txawm Qhab
Kuv yuav tsum ua dabtsi tam sim no?
Txais Cov Xov Xwm Tshiab
Yog xav sau npe txais cov xov xwm tshiab lossis mus hloov koj cov kev xaiv txais xov xwm, thov sau koj cov ntaub ntawv tiv tauj hauv qab no.
Tej zaum yuav muaj nqi xa ntawv xov tooj thiab nqi siv ntaub ntawv. Teb HELP yog xav tau kev pab, teb STOP yog xav tsum. Kev xa ntawv xov tooj tuaj ntau los tsawg nyob ntawm lub sijhawm.