Npaj rau koj txoj kev cuv npe thov dua tshiab rau xyoo 2027
Kawm seb yuav siv lub cuab yeej Renewal Lookup li cas yog tias koj xav tias koj yuav muaj kev zam ntawm Medical Assistance cov cai ua haujlwm, lossis yog tias koj muaj ib yam dej num ua suav tau tsim nyog raws cai. Koj cov lus teb yuav pab peb npaj rau koj txoj kev rov thov dua tshiab rau xyoo 2027.
Qhia tawm txog cov kev zam uas yuav muaj lossis cov dej num ua tsim nyog raws cai
Siv lub cuab yeej Renewal Lookup yog koj xav tias koj yuav muaj kev zam, lossis yog tias koj xav qhia txog ib yam dej num uas suav tau tsim nyog raws cai
Pib Lub Ib Hlis Ntuj Hnub Tim 1, 2027, txoj cai ntawm tsoomfwv tebchaws yuav kom qee tus neeg ua raws li cov cai ua haujlwm tshiab kom lawd thiaj li khaws tau lawd txoj kev duav roos pov hwm kev kho mob los ntawm Medical Assistance. Lawd yuav tsum ua tau raws cov cai tshiab no los ntawm kev muaj kev zam, lossis tau ua tiav ib yam dej num ua uas suav tau tsim nyog raws cai hauv ib lub hlis txij thaum lawd rov thov Medical Assistance dua tshiab.
Koj pab tau peb npaj rau koj txoj kev rov thov dua tshiab rau xyoo 2027 los ntawm kev qhia peb tam sim no seb koj puas xav tias koj yuav muaj kev zam ntawm cov cai ua haujlwm tshiab no, lossis koj puas xav tias koj yuav ua tiav ib yam dej num uas suav tau tsim nyog raws cai, xws li ua haujlwm lossis ua haujlwm pab dawb. Thov qhia rau peb paub los ntawm kev siv lub cuab yeej Renewal Lookup Tool.
Kev qhia cov ntaub ntawv no tam sim no nyob ntawm koj kev xaiv xwb. Nws yuav tsis cuam tshuam rau koj txoj kev pab los ntawm Medical Assistance tam sim no, tabsis tej zaum nws yuav pab tau koj txoj kev cuv npe rov thov dua tshiab xyoo 2027 kom ua yooj yim dua.
Thaum koj siv lub cuab yeej no, npaj kom muaj peb yam ntawm plaub yam hauv qab no los qhia tias yog koj tiag:
- Tus lej rau koj case (case number)
- Tus lej ua tswv cuab (member number)
- Plaub tug lej kawg ntawm koj tus SSN (Social Security Number)
- Hnub yug
Siv cov lus pab hauv lub cuab yeej no los pab koj nrhiav koj tus lej rau koj case (case number) thiab tus lej tswv cuab (member number). Nws muaj qauv qhia txog ntau hom ntawv ceeb toom thiab cov npav ID tswv cuab.
Koj puas xav tias koj yuav muaj kev zam?
Thaum pib, lawd yuav nug koj kom muab ntaub ntawv qhia txog koj cov kev zam uas tej zaum koj muaj rau cov cai mus ua haujlwm. Xaiv txhua qhov lus laj thawj teb uas koj xav tias tej zaum koj yuav muaj rau kev tsim nyog tau kev zam.
Yog koj tsis xav tias koj yuav muaj kev zam, xaiv “Tsis Muaj Ib Yam No” nyob hauv qab daim ntawv teev. Ces lawv yuav kom koj qhia seb koj xav tias koj yuav ua yam dej num twg.
Kawm paub ntxiv txog cov kev zam thiab cov dej num uas suav tau tsim nyog raws cai hauv qab no, kom koj paub meej txog cov no.
Puas muaj lus nug txog lub cuab yeej no?
Yog koj muaj lus nug lossis xav tau kev pab, thov hu rau ib tug neeg kws lis haujlwm muab kev pab rau kev kho mob.
Cov neeg laus uas tsis yog neeg xam xaj
Pib thaum Lub Ib Hlis Ntuj Hnub Tim 1, 2027, qee tus neeg laus yuav tsum ua kom tau raws li cov cai tshiab txog kev ua haujlwm, lossis muaj kev zam, lawd thiaj li tau lossis khaws tau kev pab los ntawm Medical Assistance.
Thaum Lub Rau Hli Ntuj Hnub Tim 3, 2026, Centers for Medicare & Medicaid Services ntawm tsoomfwv tebchaws tau tshaj tawm ib txoj cai siv ib ntus rau cov cai hais kom koom tes nrog zej zog, uas feem ntau muab hu ua “Cov cai rau kev yuav tsum mus ua haujlwm.” Peb tab tom xyuas txoj cai no dua kom nkag siab tias nws yuav cuam tshuam MA hauv Minnesota li cas. Cov ntaub ntawv ntawm nplooj website no yuav hloov tau. Nco ntsoov rov qab tuaj xyuas thiab saib lwm cov xov xwm ceeb toom xa tuaj los ntawm Lub Tuam Tsev Haujlwm Ntsig Txog Kev Pabcuam Pejxeem.
Cov cai uas yuav tsum mus ua haujlwm no puas cuam tshuam rau kuv?
Qhov kev hloov no siv rau cov neeg laus uas uas tab tom thov MA lossis twb muaj npe tau MA lawm uas:
- Muaj hnub nyoog 21 txog 64 xyoos
- Tsis nyob nrog lawv cov menyuam uas muaj hnub nyoog qis dua 19 xyoos
- Tsis cev xeeb tub
- Tsis tau MA raws li kev xiam oob qhab
Yuav tsim cuam tshuam rau koj yog tias koj:
- Tau MA raws li kev xiam oob qhab
- Yog leej niam leej txiv uas nyob nrog koj cov menyuam uas muaj hnub nyoog qis dua 19 xyoos
- Muaj hnub nyoog 65 xyoos lossis laus dua
- Muaj hnub nyoog 20 xyoos lossis yau dua
- Cev xeeb tub
Cov hau kev kom ua tau raws li cov cai ua haujlwm
Koj ua tau raws li cov cai ua haujlwm yog tias koj:
- Tau nyiaj khwv lossis tau nyiaj uas tsis yog los ntawm kev ua haujlwm yam tsawg kawg $580 hauv ib lub hlis, tsis hais ua hauj lwm pes tsawg teev
- Yog ib tug neeg ua haujlwm raws caij nyoog uas tau nyiaj $580 tauj ib lub hlis hauv rau lub hlis dhau los, tsis hais ua haujlwm pestsawg teev
- Ua haujlwm yam tsawg kawg 80 teev hauv ib lub hlis ntawm ib txoj haujlwm lossis hauv koj lub lag luam
- Ua haujlwm pab zej zog lossis ua haujlwm pab dawb yam tsawg kawg 80 teev hauv ib lub hlis
- Koom nrog ib qho kev pabcuam ua haujlwm yam tsawg kawg 80 teev hauv ib lub hlis
- Mus kawm ntawv lossis mus koom kev kawm xyaum ua haujlwm yam tsawg kawg ib nrab sijhawm
- Muab ib lossis ntau yam saum toj no sib xyaw kom tau tasnrho 80 teev hauv ib lub hlis
Kev zam ntawm cov cai ua haujlwm
Tej zaum koj yuav raug kev zam ntawm cov cai ua haujlwm yog tias koj yog:
- Yog Pab Pawg Neeg Asmeskas Haiv Neeg Xeeb Txawm Qhab lossis Pab Pawg Neeg Alaska Haiv Neeg Xeeb Txawm Qhab
- Nyob hauv ib tsev neeg uas tau txais Supplemental Nutrition Assistance Program (SNAP) thiab yuav tsum ua raws li SNAP cov kev cai ua haujlwm
- Tab tom ua raws li cov kev cai ua haujlwm ntawm Minnesota Family Investment Program (MFIP)
- Koom nrog ib qho kev pab uas kho thiab kho tus kheej kom rov zoo los txog kev siv yeeb tshuaj lossis dej caw
- Muaj kev mob uas ua yog kev tsis khov lossis tsis muaj zog: Koj muaj ib yam mob hnyav, yam mob nyuaj, lossis muaj yam mob ntev, lossis tau txais kev kho mob lossis kev kho tas li
- Tus neeg saib xyuas ib tug neeg xiam oob qhab
- Ib tug qub tub rog uas muaj kev xiam oob qhab suav tias yog tasnrho
- Tam sim no nyob hauv tsev kaw neeg lossis tsev rau txim
- Nyuam qhuav raug tso tawm ntawm tsev kaw neeg lossis tsev rau txim
- Nyuam qhuav tau txais kev kho mob hauv tsev kho mob loj, tsev laus, tsev kho mob rau kev saib xyuas kev kajsiab nyab xeeb, lossis lwm qhov chaw zoo sib xws
- Tau mus sab nraum ntawm koj lub zej zog kom tau txais kev kho mob rau koj tus kheej lossis rau tus neeg uas koj saib xyuas
- Nyob hauv ib lub county (cheeb tsam) uas tsoomfwv tebchaws tau tshaj tawm tias muaj xwm txheej kub ntxhov, xws li kev kev kub ntxhov los ntawm ntuj tsim.
- Nyob hauv ib lub cheeb tsam uas muaj neeg poob hauj lwm lossis tsis muaj haujlwm coob heev (yog 8 feem pua lossis 1.5 npaug ntawm tus nqi neeg poob haujlwm thoob tebchaws)
- Cov neeg hnub nyoog 21 txog 25 xyoos uas tau nyob hauv kev saib xyuas ntsig txog niam qhuav txiv qhuav thaum lawv muaj 18 xyoos.
Yog tias cov kev cai ua haujlwm yuav cuam tshuam rau koj, ua li cov hauv qab no tam sim no:
Nrhiav kev pab
Koj txais tau kev pab pub dawb los ntawm ib tug kws lis haujlwm muab kev pab (navigator). Mus xyuas lub website www.mnsure.org/hmong/free-help