Isbeddellada ku saabsan qaar ka mid ah dadka waaweyn ee aan muwaadiniinta ahayn

Laga billaabo Oktoobar 1, 2026, sharciga federaalku wuxuu beddelayaa cidda u qalmi karta caymiska Medical Assistance ee ay maalgeliso dowladda federaalka iyadoo lagu salaynayo xaaladda socdaalka.

Tani aniga ma i khuseysaa?

Tani waxay khuseysaa dadka waaweyn ee aan muwaadiniinta ahayn ee da’doodu tahay 21 jir ama ka weyn oo aan uur lahayn kuwaas oo leh xaalado socdaal oo gaar ah sida qof qaxooti ah, magangelyo-doon la aqbalay, dadka Afgaanistaan iyo Yukrayn ee ku jooga oggolaansho bani’aadamnimo (humanitarian parole), dhibbanayaasha ka ganacsiga dadka, iyo dadka aan muwaaddiniinta ahayn ee la dhibaateeyay.

Juun 2026 gudaheeda, Waaxda Adeegyada Aadanaha ee Minnesota waxay boostada kuugu soo diri doontaa warqad haddii macluumaadka kiiskaagu uu muujinayo in isbeddelkan adiga ku khuseeyo.

Isbeddello kale

Shuruudaha shaqada

Dib u cusboonaysiin lix biloodle ah

Caymiska dib-u-dhaqangalka ah

Maxaan filan karaa?

Inta u dhexeysa dabayaaqada Agoosto iyo horraanta Sebtembar 2026, waxaan dib u eegi doonnaa kiisaska caymiska MA ee dadka laga yaabo inaysan mar dambe u qalmin caymiska MA iyadoo lagu salaynayo xaaladdooda socdaalka. Haddii aadan mar dambe u qalmin, waxaan boosto kuugu soo diri doonnaa ogeysiis sheegaya in caymiskaaga MA uu dhammaan doono Sebtembar 30, 2026.
Waxaa laga yaabaa inaad u qalanto caymiska MinnesotaCare ama barnaamij kale oo daryeel caafimaad haddii aad si sharci ah ugu joogto dalka isla markaana aad buuxiso shuruudaha kale ee barnaamijka. Waxaan kuu soo diri doonnaa codsi haddii loo baahdo macluumaad dheeraad ah si loo go'aamiyo inaad u qalanto caymiska.

Yaa weli u qalmi doona caymiska Medical Assistance?

Laga billaabo Oktoobar 1, 2026, u-qalmitaanka caymiska Medical Assistance ee dadka waaweyn ee aan muwaadiniinta ahayn ee da’doodu tahay 21 jir ama ka weyn oo aan uur lahayn wuxuu ku koobnaan doonaa:

Dadka haysta sharciga deggenaanshaha joogtada ah (LPRs ama “dadka haysta giriin kaarka”) ee buuxiya muddada sugitaanka shanta sano ama buuxiya ka-reebitaanka shuruudaha
Soo galootiga Kuuba ama Heeti
Muhaajiriinta ku hoos jira Heshiiska Xiriirka Xorta ah (COFA) – dadka muwaadiniinta u ah Micronesia, Palau iyo Jasiiradaha Marshall.

Caymiska Medical Assistance wuxuu sii ahaan doonaa mid ay heli karaan dadka aan muwaadiniinta ahayn:

Carruurta ka yar 21 jir oo si sharci ah dalka ugu sugan
Haweenka uurka leh iyadoon loo eegin xaaladdooda socdaal

Samee tan hadda haddii isbeddellada dadka aan muwaadiniinta ahayn ay ku khuseeyaan

La xiriir shaqaalaha degmadaada ama hay’adda Qabiilkaaga Asalka ah ee u-qalmitaanka isla markiiba haddii xaaladdaada socdaalka ay isbeddeshay ama haddii aad uur leedahay.

Hubi in cinwaankaaga, lambarka taleefankaaga iyo iimaylkaagu ay yihiin kuwo sax ah. Baro sida loo cusboonaysiiyo macluumaadkaaga xiriirka.

La soco boostadaada oo ay kuugu imaanayso baqshad leh wareeg buluug ah markii la gaaro waqtiga caymiska la cusbooneysiin lahaa iyo inaad durba soo buuxisid codsiga cusboonaysiintaada.

Waxaad heli kartaa caawimaad bilaash ah oo ka timaadda qof hage ah. Booqo https://www.mnsure.org/somali/free-help/index.jsp.
Khadka Caawinta Qaxootiga iyo Soo-galootiga waa xiriir kuu sahlaya helidda macluumaad, agab iyo adeegyo waxtar leh oo bulshadaada laga dhex heli karo. Ka wac Khadka Caawinta lambarka 800-814-4806 amabooqo: mn.gov/dhs/resettlement/helpline-so. Fiiro gaar ah, Khadka Caawintu kama caawiyo dadka codsashada caymiska oo ma qiimeeyo u-qalmitaankooda.
La xiriir khabiir sharci oo lagu kalsoon yahay haddii aad qabtid su'aalo la xiriira socdaalka.