Cov Chaw Hauj Lwm, Pawg Thawj Coj thiab Pawg Saib Xyuas Hauv Xeev
Cov Chaw ua hauj lwm rau lub xeev yog ib feem ntawm tsoom fwv ceg tswj kev cai lij choj. Daim ntawv no kuj suav nrog cov pawg saib xyuas hauv xeev, pawg tswv yim, pawg saib xyuas kev cai, pawg sab laj, chaw hauj lwm ombudsmen thiab cov pab pawg saib kev ruaj ntseg.
| A | Rov Qab Rau Saud | ||
| Accountancy, Board of | Lub Board of Accountancy tso cai thiab tswj hwm cov kws tuav nyiaj rau pej xeem (CPA) thiab cov kws tuav nyiaj muaj ntawv tso cai (LPA) nrog rau lawv cov tuam txhab, kom ua tau hauj lwm zoo pab pej xeem. | ||
| Administration, Department of | Lub chaw no muab kev pab rau tsoom fwv cov chaw ua hauj lwm, cov ntaub ntawv rau cov neeg muag khoom uas xav ua lag luam nrog lub xeev, cov ntaub ntawv txog kev siv ntaub ntawv, kev muag khoom rau pej xeem sib tw, State Register, Minnesota Bookstore thiab ntau dua ntxiv. | ||
| Administrative Hearings, Office of | Lub Minnesota Office of Administrative Hearings (OAH) tau tsim nyob rau xyoo 1976 los muab txoj kev ncaj ncees rau cov pej xeem uas tsis pom zoo nrog tsoom fwv tej kev txiav txim. Lub chaw hauj lwm no tswj cov rooj plaub uas muaj feem xyuam rau txoj kev tsim kev cai, kev sib cav ntawm cov nyiaj raug mob nram hauj lwm, thiab rooj plaub ntawm cov koom haum ua hauj lwm rau lub xeev thiab tsoom fwv hauv zos. Koj tuaj yeem nrhiav tau pej xeem tej ntaub ntawv teev tseg txog cov rooj plaub ntawd puag thaum 1977 los txog niaj hnub niam no hauv lawv qhov database. | ||
| Aging, Board on | Lub Minnesota Board on Aging yog lub chaw tsim kev pab rau cov neeg laus thiab lawv tsev neeg. MBA mloog cov kev txhawj xeeb, tshawb nrhiav cov tswv yim daws teeb meem thiab tsim tawm cov cai uas yuav tiv thaiv thiab txhawb tau cov neeg laus. | ||
| Agriculture, Department of | Chaw hauj lwm no saib xyuas kev noj qab haus huv thiab kev nyab xeeb ntawm cov khoom noj thiab kev ua liaj ua teb. | ||
| Alcohol and Gambling Enforcement | Lub Division of Department of Public Safety muaj ib ceg dej num hu uas Alcohol Enforcement, Gambling Enforcement and Liquor Database. | ||
| Amateur Sports Commission, Minnesota | Minnesota Amateur Sports Commission (MASC) tau tsim los ntawm Minnesota State Legislature rau xyoo 1987 los txhawb kev lag luam thiab kev sib raug zoo los ntawm kev ua si ntaus kis las. | ||
| Animal Health, Board of | Lub luag hauj lwm yog los tiv thaiv kev noj qab haus huv ntawm cov tsiaj nyob hauv tsev, tswj thiab tshuaj xyuas kev yug tsiaj txhu thiab qaib. Nws kuj tseem muab ntawv tso cai rau cov chaw ua lag luam tsim tej qhauv noj rau tsiaj thiab kev tshawb fawb txog lawv. | ||
| Archaeologist, Office of the State | OSA lub luag hauj lwm yog los pab nyiaj, ua thiab coj kev tshawb fawb txog cov keeb kwm qub thiab yav dhau los hauv Minnesota; tiv thaiv thiab khaws cia qub txeeg qub tes thiab tej yam khoom uas muaj keeb kwm. | ||
| Architecture, Engineering, Land Survey, Landscape Architecture, Geoscience and Interior Design, Board of | Lub chaw no tshuaj xyuas, muab ntawv tso cai thiab tswj kev ua hauj lwm ntawm kev tsim tsev, kev ua engineering, kev ntsuas av, kev tsim vaj tse thiab cog xyoob ntoo rau sab nraum zoov, kev tshawb fawb txog geoscience thiab tso cai rau cov qauv eb tsev. | ||
| Arts Board, Minnesota | Lub chaw no muab kev pab nyiaj rau ntau yam kev ua yeeb yam, kev kos duab thiab kev sau ntawv paj huam. Lawv kuj muab kev sab laj, xa ntawv tawm, txhawb kev cob qhia thiab luam tej phau ntawv. | ||
| Arts Education, Perpich Center for | Perpich Center for Arts Education yog ib lub chaw ua hauj lwm rau lub xeev Minnesota. Lub chaw hauj lwm faib ua peb chav tseem ceeb: Arts High School (AHS), Professional Development Institute (PDI), thiab Research, Assessment and Curriculum Division (RAC). | ||
| Asian-Pacific Minnesotans, Council on | Pawg no muab tswv yim rau tus Governor thiab cov tswv cuab hauv tsoom fwv tsim cai lij choj, daws teeb meem uas cuam tshuam rau cov neeg Asian Pacific hauv Minnesota; lawv sawv cev los tawm suab thiab ua tus txuas lus ntawm pab pawg Asian Pacific thiab ib tsoom neeg. | ||
| Assessors, Board of | Lub Board of Assessors tau tsim los ntawm Tsoom Fwv Tsim Cai Lij Choj kom qhia, tso cai thiab saib xyuas kev coj ntawm cov neeg soj ntsuam hauv Minnesota. | ||
| Assistive Technology (STAR) | System of Technology to Achieve Results (STAR) yog ib feem ntawm Minnesota Department of Administration. Nws lub hom phiaj yog pab TXHUA TUS NEEG HAUV MINNESOTA uas muaj kev tsis taus xiam oob qhab, kom tau txais thiab siv tau cov cuab yeej pab kom lawv muaj kev kawm, ua tau hauj lwm, thiab muaj kev lom zem. | ||
| Attorney General | Tus Attorney General yog tus thawj kws lij choj loj tshaj plaws hauv lub xeev Minnesota. Lub chaw hauj lwm no sawv cev thiab muab tswv yim txog txoj cai lij choj rau ntau tshaj 100 lub chaw hauj lwm rau lub xeev, pawg thawj coj thiab pawg saib xyuas. | ||
| B | Rov Qab Rau Saud | ||
| Behavioral Health and Therapy, Board of | Lub Minnesota Board of Behavioral Health and Therapy tau tsim nyob rau hnub tim 19, lub Tsib Hlis 2003, los ntawm Tsoom Fwv Tsim Cai Lij Choj. Nws lub hom phiaj yog los tiv thaiv pej xeem los ntawm kev tswj hwm thiab tso cai rau cov kws pab kho kev puas hlwb (LPCs) hauv Minnesota. Nws tswj hwm tau txoj hauj lwm ntawd los ntawm kev xeem thiab tshawb fawb txog cov kev tsis txaus siab. | ||
| Barber Examiners, Board of | Lub chaw no saib xyuas kev tso cai thiab tswj kev txiav plaub hau kom muaj kev nyab xeeb thiab noj qab nyob zoo rau pej xeem hauv Minnesota. | ||
| Board of Cosmetologist Examiners | Lub chaw no tau tsim los saib xyuas cov chaw pleev thiab tsim tshuaj zoo nkauj kom muaj kev nyab xeeb thiab kev noj qab haus huv rau cov pej xeem hauv Minnesota. | ||
| Board of Occupational Therapy Practice | Lub chaw no lub hom phiaj yog los tiv thaiv pej xeem los ntawm kev tso cai thiab tswj cov cai lij choj thiab kev coj ncaj ncees ntawm cov kws kho mob txhawb kev nyuaj siab kom ua hauj lwm zoo raws cai. | ||
| Bureau of Criminal Apprehension | Lub chaw no mob siab los muab kev pab muaj txiaj ntsig thiab raws sij hawm rau tsoom fwv thiab zej zog, kom pab tiv thaiv cov pej xeem hauv Minnesota. Nws muaj kev koom tes txuas nrog cov chaw saib xyuas kev ruaj ntseg thiab lwm lub koom haum txhawb kev cai lij choj. | ||
| C | Rov Qab Rau Saud | ||
| Campaign Finance and Public Disclosure Board | Lub chaw no tsim thiab tswj cov kev sau npe, kev qhia tawm thiab cov kev pab cuam ntawm kev ruaj ntseg kom raws nraim li Ethics in Government Act. | ||
| Cannabis Expungement Board | Lub CEB tau tsim los tshuaj xyuas cov ntaub ntawv teev txim txhaum uas muaj feem xyuam rau cov tshuaj xas thiab txiav txim seb puas tsim nyog rho lub txim tawm los sis rov txiav txim. | ||
| Cannabis Management, Office of | Lub Office of Cannabis Management tswj kev siv tshuaj xas rau neeg laus, kev kho mob nrog tshuaj xas, xws li Minnesota Medical Cannabis Program, thiab cov khoom noj hemp uas muaj tshuaj xas tsawg. Lawv kuj tswj kev tso cai thiab tsim cov cai rau cov lag luam uas ua hauj lwm txuas nrog cov tshuaj no thiab. | ||
| Capitol Area Architectural and Planning Board | Lub chaw no tswj xyuas kev txuag thiab txhim kho lub Capitol, cov tuam tsev thiab cov vaj tse ib ncig ntawd kom muaj kev zoo nkauj thiab nyob ruaj khov txhua nrho. | ||
|
Children, Youth, and Families, Department of |
Lub xeev txoj kev vam meej nyob ntawm cov me nyuam, cov hluas thiab cov tsev neeg nyob rau Minnesota. Lub Department of Children, Youth, and Families muab lawv sawv daws tso rau lub sam xeeb thiab tsom kom kev tsim cai thiab siv nyiaj hauv xeev tsim tau tej yam zoo pab tau lawv. |
||
| Chiropractic Examiners, Board of | Lub chaw no tswj kev tso cai, tiv thaiv thiab xyuas kom cov kws kho mob chiropractic hauv xeev Minnesota ua hauj lwm raws cai thiab zoo txhawb cov pej xeem. Nws tswj hwm tau txoj hauj lwm ntawd los ntawm kev xeem thiab tshawb fawb txog cov kev tsis txaus siab. | ||
| Clerk of Appellate Courts | Lub chaw hauj lwm no txais cov ntaub ntawv foob rau Supreme Court thiab Court of Appeals, xa cov lus txiav txim luam tawm rov qab thiab qhia txog cov kev xav ntawm lub tsev hais plaub rau cov uas muaj feem xyuam rau hauv. Tag nrho cov ntaub ntawv hais txog rooj plaub yuav tsum xa mus rau Clerk’s Office xwb, tsis txhob xa ncaj qha rau cov kws txiav txim plaub ntug. Lub Clerk’s Office mam li pab qhia cov neeg kho lawv cov ntawv, yog tsim nyog ua li ntawd. | ||
| Client Security Board | Lub chaw no tswj hwm qhov Client Security Fund uas yog cov nyiaj tsim los ntawm Minnesota Supreme Court rau xyoo 1987, uas them nyiaj rov qab rau cov neeg raug lawv tus kws lij choj dag ntxias. | ||
| Climatology Office, State | Lub chaw hauj lwm no tshawb fawb thiab piav qhia txog huab cua hauv Minnesota. Cov neeg ua hauj lwm tshawb fawb txog cov chaw tshwj xeeb uas huab cua cuam tshuam rau. | ||
| Commerce Department | Lub chaw hauj lwm no tswj hwm kev tuav nyiaj, dej taws, hluav taws xob, kev pov hwm, kev muag vaj tsev, kev tsim tsev nyob, kev ua lag luam, kev tham xov tooj saum huab cua thiab cov chaw Minnesota's Unclaimed Property. | ||
|
Lub chaw hauj lwm no tswj cov tsev kaw neeg, xws li yim lub rau cov neeg laus thiab ib lub rau cov hluas. Tsis tas li xwb, nws muab kev saib xyuas rau cov neeg txhaum tau kev tso cai tawm nrog kev saib xyuas, thiab cov uas tso tawm ua ntej lub sij hawm txiav txim tseg. |
|||
| Cosmetic Examiners, Board of | Lub chaw no tau tsim los xyuas kom muaj kev nyab xeeb thiab kev noj qab nyob zoo rau cov pej xeem uas txais kev pab pleev tshuaj zoo nkauj nyob rau Minnesota. | ||
| Court System (Tsoom Fwv Ceg Txiav Plaub Ntug) | Qhov no yog qhov txuas mus rau lub tsev hais plaub hauv Tsoom Fwv Ceg Txiav Plaub Ntug. | ||
| Court of Appeals | Raws li txoj cai, lub Court of Appeals tsuas tshaj tawm cov lus txiav txim loj thiab nyuaj. Cov lus txiav txim no muaj kev tshuaj xyuas tob txog cov xwm txheej thiab kev cai. Cov tsev haiv plaub muaj cai siv cov ntaub ntawv ntawd los mus daws cov teeb meem uas muaj ntsis zoo sib xws rau yav tom ntej, thiab kuj muaj feem yuav raug sau tawm ua phau ntawv tseg rau cov tsev teev ntawv lij choj. | ||
| D | Rov Qab Rau Saud | ||
| Deaf, DeafBlind & Hard of Hearing, Minnesota Commission of the | Lub Minnesota Commision of the Deaf, DeafBlind & Hard of Hearing yog ib lub chaw tsim los ntawm tus Governor, kom muaj kev sawv cev thiab tawm tswv yim txhawb kev sib txuas lus thiab vaj huam sib luag tau kev pab rau cov neeg uas lag ntseg, dig muag thiab cov uas tsis hnov lus zoo. | ||
| Dentistry, Board of | Lub Board of Dentistry tswj, tso cai thiab sau npe rau cov kws kho hniav, cov neeg pab kho hniav thiab cov neeg pab txhuam hniav kom ua raws nraim txoj cai Minnesota Dental Practices Act. | ||
| Developmental Disabilities, Governor's Council on | Qhov website no muaj ntau yam kev pab thiab ntaub ntawv txog kev tsis taus xiam oob qhab. Nws pab cov kws tshaj lij, cov neeg tawm tswv yim, tib neeg thiab tsev neeg nrhiav kom tau cov ntaub ntawv thiab kev pab cuam uas phim tej yam uas lawv xav tau. | ||
| Dietetics and Nutrition Practice, Board of | Lub chaw no txhawb kom pej xeem tau txais kev pab kom noj zaub mov zoo los ntawm cov neeg muaj ntawv tso cai thiab muaj kev txawj ntse rau fab noj haus. | ||
| Disability, Minnesota Council on | Lub Minnesota Council on Disability (MCD) yog ib lub chaw ua hauj lwm uas pab koom tes, tawm tswv yim, qhia thiab txhawb kev nce qib, thiab txhim kho kev ua neej zoo rau txhua tus neeg muaj kev tsis taus xiam oob qhab. | ||
| District Courts | Cov tsev hais plaub ntug hauv Minnesota muaj nyob thoob plaws 87 lub cheeb tsam thiab muaj kev tswj nyob rau hauv 10 lub cheeb tsam hais plaub. | ||
| Driver and Vehicle Services | Driver and Vehicle Services (DVS) yog ib ceg dej num hauv Minnesota Department of Public Safety. DVS saib xyuas kev tso cai muaj daim ntawv tsav tsheb hauv Minnesota thiab lwm yam kev pab uas muaj feem xyuam txog tsheb. Xws li, nws saib xyuas kev xeem tsav tsheb, muaj kev qhia txog kev tsav tsheb nyab xeeb, pab sau npe tsheb title, tso cai ua ntawv tsav tsheb lag luam, thiab muab daim ntawv tso cai rau cov lag luam uas muag tsheb. | ||
| E | Rov Qab Rau Saud | ||
| Economic Status of Women, Legislative Commission on the | Pawg no pab qhia thiab muab ntaub ntawv ntawm kev tshawb fawb txog poj niam hauv Minnesota rau Tsoom Fwv Tsim Cai Lij Choj. | ||
| Education Department | Lub Minnesota Department of Education (yav tas los hu ua Children, Families and Learning) pab lub zej zog txhim kho lub neej ntawm cov me nyuam los ntawm kev kawm ntawv, kev pab pej xeem thiab kev npaj cov hluas rau lub neej yav tom ntej. | ||
| Electric Energy Task Force | Puag xyoo 1994, Tsoom Fwv Tsim Cai Lij Choj hauv Minnesota tau tsim ib pab neeg hu ua Legislative Electric Energy Task Force (LEETF) los tshuaj xyuas txog cov chaw tsim hluav taws xob thiab txiav txim txog nws tus nqi siv uas yuav teem tseg rau yav tom ntej, kom txhua yam ib ncig zoo thiab tsim nyog raws kev lag luam. | ||
| Electricity, Board of | Lub chaw no tswj kev tso cai rau kev tsim thiab nruab hluav taws xob thoob plaws lub xeev. | ||
| Emergency Medical Services Regulatory, Board of | Lub EMSRB yog lub chaw hauj lwm saib xyuas cov xwm txheej kho mob ceev hauv Minnesota. Lawv tso cai thiab tswj cov kev pab thauj mob, sau npe thiab tshuaj xyuas cov neeg ua hauj lwm EMS, thiab muab kev pab nyiaj thiab kev pab cuam. | ||
| Employment and Economic Development Department | Yog lub chaw hauj lwm tsim los ntawm kev sib koom ntawm Department of Economic Security (DES) thiab Department of Trade and Economic Development (DTED) los txhawb txoj kev vam meej hauv kev ua hauj lwm thiab kev ua lag luam nrog rau lub zej zog kom muaj kev loj hlob. | ||
| Environmental Quality Board | Lub chaw no tsim txoj cai, teeb tsa kev npaj ntev thiab tshuaj xyuas tej hauj lwm uas cuam tshuam rau ib puag ncig hauv Minnesota. | ||
| Explore Minnesota | Siv qhov website no los kawm txog kev lag luam ncig teb chaws hauv Minnesota thiab koom nrog Explore MInnesota Toursim cov dej num. | ||
| F | Rov Qab Rau Saud | ||
| Film and TV Board, Minnesota | Minnesota Film and TV Board tsim thiab txhawb kev ua lag luam thiab kev kos duab hauv kev yees duab thiab TV nyob hauv Minnesota. | ||
| Fire Marshal | Lub hom phiaj ntawm State Fire Marshal Division yog los tiv thaiv tib neeg txoj sia thiab tej vaj tsev ntawm kev puas tsuaj vim hluav taws kub. Nws tshuaj xyuas ib puag ncig thiab saib xyuas kev ruaj ntseg, txhawb kom txhob muaj hluav taws kub thiab cob qhia pej xeem txog kev phom sij. | ||
| Forest Resources Council, Minnesota | Lub MFRC pab tsim thiab tswj SFRA txoj hauj lwm. Lawv kuj muab tswv yim rau tus Governor, tsoom fwv teb chaws, hauv xeev thiab hauv zos txog txoj kev txuag tej hav zoov kom zoo raws cai. | ||
| G | Rov Qab Rau Saud | ||
| Gambling Control, Board on | Lub chaw no tswj thiab qhia txog kev twv txiaj uas raug cai, kom muaj kev ncaj ncees rau cov dej num ntawd thiab siv cov nyiaj khwv tau raws txoj cai. Tsib hom kev twv txiaj raug cai muaj xws li pull-tabs, raffles, bingo, paddlewheels, thiab tipboards. | ||
| Geospatial Advisory Council, Minnesota | Lub Geospatial Advisory Council muab tswv yim, kev txhawb zog thiab kev qhia rau cov chaw thiab koom haum thoob plaws hauv xeev, uas siv cov technology uas muaj feem rau fab geospatial kom zoo thiab tshaj lij. | ||
| Geological Survey, Minnesota | Qhov Survey muaj kev tshawb fawb txog lub ntiaj teb thiab nws qhia cov ntaub ntawv ntawd rau pej xeem los ntawm kev tshaj tawm, kev pab cuam thiab kev khiav dej num, tshwj xeeb txog tej yam nyob hauv lub xeev Minnesota. | ||
| Geospatial Information, Office of | Lub Minnesota Geospatial Information Office (MnGeo) yog lub chaw ua hauj lwm tswj kev siv GIS cov ntaub ntawv thiab kev pab cuam hauv lub xeev Minnesota. | ||
| Governor's Office | Nrhiav cov ntaub ntawv txog Tus Governor hauv Minnesota, tus Lieutenant Governor, nws cov neeg ua hauj lwm, cov xov xwm thiab ntau yam ntxiv. | ||
| Governors Workforce Development Council | Lub hom phiaj ntawm GWDC yog los tawm tswv yim rau tus Governor thiab Tsoom Fwv Tsim Cai Lij Choj txog kev npaj thiab txhim kho kev ua hauj lwm, kom lub xeev Minnesota muaj cov neeg ua hauj lwm tshaj lij thiab muaj txuj ci txhawb tau kev vam meej. | ||
| Grants Management, Office of | Lub chaw no muab cov ntaub ntawv txog cov kev pab nyiaj ntawm Lub Xeev Minnesota. Cov neeg xav tau nyiaj pab tuaj yeem tshawb nrhiav tau txog lub hom phiaj no raws lub chaw hauj lwm los sis hom kev pab cuam. | ||
| H | Rov Qab Rau Saud | ||
| Health Care Access, Legislative Commission on | Pawg no tsim thaum xyoo 1992 thiab muaj 10 tus tswv cuab uas tshuaj xyuas kev ua hauj lwm ntawm Department of Health, Minnesota Health Care Commission thiab lwm lub chaw ua hauj lwm uas muaj feem rau txoj cai MinnesotaCare. | ||
| Health, Department of | Lub Minnesota Department of Health yog lub chaw ua hauj lwm saib xyuas kev noj qab haus huv ntawm lub xeev, muaj lub luag hauj lwm los tiv thaiv, saib xyuas thiab txhim kho kev noj qab nyob zoo rau txhua tus Minnesotans. | ||
| Health Professionals Services Program | Lub State of Minnesota Health Professional Services Program (HPSP) yog ib qho kev pab cuam uas nruj heev txog txoj kev zais cov ntaub ntawv ntawm kev kho mob thiab kev txais kev pab rau cov neeg ua hauj lwm. | ||
| Higher Education, Minnesota Office of | Lub Minnesota Office of Higher Education yog lub chaw ua hauj lwm pab cov tub ntxhais kawm kom mus tau rau qib siab, muab nyiaj pab kawm ntawv thiab kev qhia txog kev kawm rau theem siab, tiv thaiv cov neeg kawm ntawv thiab muab cov kev pab uas tsim nyog kom txhawb tau lawv txoj kev kawm. | ||
| Historical Society, Minnesota | Minnesota Historical Society yog ib lub koom haum pub dawb tsis ua lag luam yuav nyiaj uas tau tsim xyoo 1849 los khaws, txuag thiab qhia txog tej keeb kwm ntawm Minnesota. Lub Society tshaj cov keeb kwm ntawm Minnesota los ntawm cov tsev teeb puav pheej, qub txeeg qub teg, tsev qiv ntawv, chaw ua si thiab cov phau ntawv luam tawm. | ||
| Homeland Security and Emergency Management | Lub chaw hauj lwm Department of Homeland Security no lub hom phiaj tshwj xeeb thiab yog los tiv thaiv lub xeev Minnesota los ntawm ntau yam kev hem thawj uas muaj feem tshwm sim. | ||
| House Research Department | Lub chaw hauj lwm House Research no muab kev tshawb fawb thiab tswv yim sab laj txog txoj cai lij choj rau Minnesota House of Representatives, yam nyob nruab nrab tsis txhawb ib tog twg. | ||
| Housing Finance Agency, Minnesota | Lub chaw hauj lwm no muab kev pab nyiaj rau kev yuav vaj tsev, kev txhim kho thiab rov tsim tsev dua tshiab, kev pab nrhiav tsev rau cov raug teeb meem, kev qiv nyiaj yuav vaj tsev thiab kev txhawb rau cov neeg nyob hauv lub koom haum no. | ||
| Human Rights, Department of | Lub chaw hauj lwm no saib xyuas thiab daws teeb meem hais txog kev ntxub ntxaug yuam cai, cob qhia pej xeem kom tsis txhob coj tus xeeb ceem li ntawd. Tiv thaiv kev ntxub ntxaug thiab txhawb kev ua hauj lwm kom muaj vaj huam sib luag rau poj niam, haiv neeg txawv teb chaw thiab cov neeg muaj kev tsis taus xiam oob qhab. | ||
| Human Services, Department of | Lub chaw hauj lwm no muab kev pab txog kev kho mob, nyiaj pab rau me nyuam, kev tiv thaiv me nyuam, kev pab cuam txog kev noj haus, kev pab nyiaj, kev saib xyuas hauv tsev laus, kev pab rau cov laus, kev pab rau cov neeg lag ntseg, cov neeg muaj kev tsis taus xiam oob qhab, kev coj me nyuam mus tu, kev zov me nyuam, kev pab rau cov neeg tsiv teb chaws, kev pab rau cov hluas muaj teeb meem, kev pab rau cov neeg tsis muaj tsev nyob thiab cov kev pab kho kev nyuaj siab puas hlwb rau cov laus thiab me nyuam yaus. | ||
| Humanities Commission, Minnesota | Lub Minnesota Humanities Commission (MHC) yog ib lub koom haum tsim los ntawm Act of Congress xyoo 1971. Lub MHC tsis yog ib lub koom haum yuav nyiaj. Nws tau kev pab nyiaj txiag los ntawm lub National Endowment for the Humanities, Tsoom Fwv Tsim Cai Lij Choj hauv Minnesota, cov koom haum loj pab cuam thiab tib neeg uas muaj dej siab. | ||
| I | Rov Qab Rau Saud | ||
| Independent Living Council, Minnesota Statewide | Lub chaw no teeb tsa kev npaj thiab cov cai thoob plaws lub xeev kom muab kev pab rau cov neeg nyob Independent Living Services. | ||
| Indian Affairs Council, Minnesota | MIAC yog lub chaw txuas lus ntawm cov nom tswv hauv Lub Xeev Minnesota thiab 11 haiv neeg tribal hauv lub xeev. Lub chaw no muab chaw sib tham thiab tawm tswv yim rau tsoom fwv lub xeev, txog cov teeb meem cuam tshuam rau cov neeg zej zog Indian. Minnesota yog thawj lub xeev hauv teb chaw no los tsim ib lub koom haum Indian Affairs thiab yog ib tug qauv zoo rau txhua lub xeev tau kawm. | ||
| Insurance, Department of Commerce | Lub chaw hauj lwm no yog ib ceg nyob hauv Department of Commerce. Peb lub hom phiaj yog xyuas kom cov neeg siv thiab kev lag luam ntawm kev pov hwm muaj kev ncaj ncees, muab kev pab raws cai raws li txhua xyoo nyob rau Minnesota. Peb yeej kub siab pab sawv daws kom zoo thiab tsim nyog. | ||
| Investment Board, Minnesota State | Lub State Board of Investment tswj cov nyiaj peev ntawm Lub Xeev Minnesota thiab tsoom fwv hauv zos, kom cov neeg ua hauj lwm tseg tau cov peev nyiaj laus, tau cov kev pab txuag nyiaj, thiab muaj cov kev tuav nyiaj txiag. | ||
| Iron Range Resources and Rehabilitation Board | Lub IRRRB pab txhawb thiab nthuav txoj kev lag luam hauv Minnesota sab northeastern. Tshwj xeeb tshaj, IRRRB muaj kev pab rau Taconite Tax Relief Area (TTRA), uas yog ib koog chaw uas dav li 13,000 square miles. | ||
| J | Rov Qab Rau Saud | ||
| Judicial Standards, Board on | Lub chaw no tau tsim los saib xyuas kev coj ncaj ncees ntawm cov neeg txiav txim plaub ntug hauv Minnesota. Nws tshawb xyuas thiab daws cov kev tsis txaus siab uas tib neeg foob tuaj, thiab tsis tas li ntawd, nws ntsuam xyuas txog cov teeb meem ntawm kev tsis taus xiam oob qhab muaj feem rau txoj cai lij choj. | ||
| L | Rov Qab Rau Saud | ||
| Labor and Industry, Department of | Lub Department of Labor and Industry tswj hwm kev cob qhia ua hauj lwm, cov cai tsim kho, kev xyaum (PIPELINE program), kev nyab xeeb hauv lub chaw ua hauj lwm thiab lub chaw kho mob, cov nyiaj hli raws xoj moos, nyiaj raug mob nram hauj lwm thiab kev cob qhia cov hluas ua hauj lwm. | ||
| Latino Affairs, Minnesota Council | Lub chaw no tawm tswv yim rau tus Governor thiab tsoom fwv tsim cai lij choj kom daws tau cov teeb meem uas cuam tshuam rau cov neeg Hispanic hauv Minnesota, thiab nws sawv cev los tawm suab thiab ua tus txuas lus ntawm tsoom fwv, cov koom haum thiab lub zej zog Chicano/Latino hauv Minnesota. | ||
| Lawyers Professional Responsibility Board | Lub chaw no tsim los ntawm Minnesota Supreme Court los tshuaj xyuas cov lus tsis txaus siab txog kev coj tsis ncaj ntawm cov kws lij choj hauv Minnesota. | ||
| Legislative Advisory Commission | Pawg no muaj cai saib xyuas thiab pom zoo rau cov kev thov nyiaj los ntawm tsoom fwv lub xeev kom ntiav tau neeg ua hauj lwm ntxiv, los sis tau nyiaj tshaj txhawb lawv cov dej num. Tus Governor ua tus coj, thiab tus thawj tswj nyiaj ua tus sau ntawv tseg. | ||
| Legislative Auditor, Office of | Lub chaw hauj lwm no qhov dej num yog muab daim ntawv tshaj tawm kev soj ntsuam uas thwj toob rau Tsoom Fwv Tsim Cai Lij Choj thiab pej xeem kom muaj kev ncaj ncees. Nws pab txhawb kev lav ris thiab kev tswj hwm tsoom fwv cov chaw hauj lwm kom ruaj khov. | ||
| Legislative Commission on Minnesota Resources (LCMR) | Pawg LCMR no muab tswv yim thiab qhia tsoom fwv tsim cai lij choj txog kev siv nyiaj txiag kom tsim nyog los pab txhim kho thiab tswj cov cuab yeej hauv Minnesota. LCMR tau pib ua hauj lwm puag thaum xyoo 1963. | ||
| Legislative Commission on Pensions and Retirement | Pawg no tshawb nrhiav thiab tshuaj xyuas cov kev pab nyiaj laus ntawm tsoom fwv. | ||
| Legislative Commission on Planning and Fiscal Policy | Pawg no tsim los muab kev tshuaj xyuas tob txog cov nyiaj se ua yuav muaj rau tom ntej, kev siv nyiaj txiag ntawm lub xeev thiab kev zam se. | ||
| Legislative Coordinating Commission | Pawg no tsim los tuav txhawb txhua pawg hauv Tsoom Fwv Tsim Cai Lij Choj, cov koom haum koom tes thiab lwm pawg saib xyuas kom faib tau cov dej num ntawm Senate thiab House of Representatives. | ||
| Legislative Reference Library | Lub Legislative Reference Library no yog ib ceg ntawm Legislative Coordinating Commission, uas tsim rau xyoo 1969. Nws muab ntaub ntawv txog kev coj cai, phau ntawv ntawm tsoom fwv, cov ntawv cob qhia thiab cov ntaub ntawv tshaj tawm uas yuav txhawb tau cov tswv cuab tsim cai lij choj thiab nws cov neeg ua hauj lwm. Nws kuj ceev cia cov ntawv keeb kwm ntawm cov rooj sib tham rau cov thawj coj nyob House thiab Senate. | ||
| License Minnesota | Qhov website no pab kom koj nrhiav tau txhua yam ntaub ntawv txog 600 hom ntawv tso cai los ntawm 45 lub chaw ua hauj lwm rau lub xeev Minnesota. Thawj zaug uas koj nrhiav tau hom ntawv tso cai uas koj xav tau, txawm yog rau kev lag luam, ua kws tshaj lij rau ib txoj hauj lwm, kev lom zem ua si, los sis caij tsheb los xij, nws yeej nyob rau tib qho chaw xwb. | ||
| Lottery, Minnesota State | Cov nyiaj tau los ntawm kev yuav leb pab txhawb kev tiv thaiv ib puag ncig thiab kev loj hlob nyiaj txiag hauv Minnesota. | ||
| M | Rov Qab Rau Saud | ||
| Management Analysis and Development | Management Analysis and Development (MAD) yog ib pab pawg cob qhia thiab tswj hwm cov kev qhia tshwj xeeb rau cov chaw ua hauj lwm thiab koom haum pej xeem txij li xyoo 1985. MAD pab tsoom fwv rau kev daws teeb meem, kev tshuaj xyuas thiab kev txhim kho kev coj noj coj ua kom haum sawv daws li lub siab xav. | ||
| Marriage and Family Therapy, Board on | Lub chaw no tsim thiab tswj cov cai, muab ntawv tso cai, qhia txuj, txuas kev kawm ntawv thiab muab kev xeem rau cov kws tshaj lij uas kawm rau fab daws kev nyuaj siab ntawm kev txij nkawm thiab tsev neeg. Lawv kuj tshuaj xyuas cov lus tsis txaus siab foob cov kws tshaj lij ntawd thiab. | ||
| Mediation Services, Bureau of | Lub chaw no tswj hwm thiab pab rau kev sib hais lus kom nkag siab, kev sawv cev, kev xaiv tus kws txiav txim plaub ntug, kev koom tes ntawm cov neeg ua hauj lwm thiab tus tswv, kev cob qhia txog kev sib raug zoo hauv kev ua hauj lwm, thiab nrhiav lub chaw sib haum rau sawv daws. | ||
| Medical Practice, Board of | Lub chaw no muab ntawv tso cai rau ntau tshaj 14,000 tus kws kho mob thiab tswj hwm cov kws nkaug koob, cov kws qhia kev qoj ib ce, cov neeg pab tus kws kho mob, cov kws kho mob ua pa thiab cov chaw kho mob. | ||
| Mental Health and Developmental Disabilities, Ombudsman for | Lub chaw no pab cov neeg uas muaj teeb meem txog kev nyuaj siab puas hlwb los sis kev tsis taus xiam oob qhab, muab tswv yim nthuav txog lawv cov cai, saib xyuas cov ntawv tsis txaus siab thiab txhawb kom kev kho tus mob no mus tau zoo. | ||
| Metropolitan Airports Commission | Lub Minneapolis-St. Paul International Airport (MSP) yog ib lub tshav dav hlau uas tswj thiab khiav dej num los ntawm Metropolitan Airports Commission (MAC). | ||
| Metropolitan Council | Lub Metropolitan Council no muaj 17 tus tswv cuab raug xaiv los ntawm tus Governor, kom los saib xyuas kev npaj thiab txhim kho ib ncig ntawm metro thaj chaw uas tag nrho koom xya cheeb tsam. Lawv tswj kev thauj mus los, uas muaj tshwm sim ntau tshaj 80 lab tauj ib xyoos, kho thiab kuaj dej rau ntau tshaj 100 lub zej zog, thiab tswj cov chaw ncig ua si hauv zos, uas ib xyoos no muaj ntau tshaj 33 lab tus neeg tuaj ncig. | ||
| Metropolitan Mosquito Control | Lub Metropolitan Mosquito Control District no muab kev tiv thaiv ntawm kev raug kab mob hnyav los ntawm cov yoov tshaj cum, yoov dub thiab kab zuam, yam tsis cuam tshuam tej xyoob ntoos ib puag ncig. | ||
| Military Affairs, Department of (MN National Guard) | Lub chaw hauj lwm no muaj cov tub rog National Guard nyob hauv Lub Xeev Minnesota, lub Office of the Adjutant General, cov neeg pej xeem ua hauj lwm tuav ntaub ntawv, cov uas txhim kho tej vaj tse thiab tswj cov khoom siv ua rog. | ||
| Minnesota Commission of Deaf, DeafBlind, and Hard of Hearing | Lub Minnesota Commision of the Deaf, DeafBlind & Hard of Hearing (MNCDHH) yog ib lub chaw tsim los ntawm tus Governor, kom muaj kev sawv cev thiab tawm tswv yim txhawb kev sib txuas lus thiab txhawb kev sib luag rau cov neeg uas lag ntseg, dig muag thiab cov uas tsis hnov lus zoo. | ||
| Minnesota Historical Society | Minnesota Historical Society yog ib lub koom haum pub dawb tsis ua lag luam uas tau tsim xyoo 1849 los khaws, txuag thiab qhia txog tej keeb kwm ntawm Minnesota. Lub Society tshaj cov keeb kwm ntawm Minnesota rau los ntawm cov tsev teeb puav pheej, qub txeeg qub teg, tsev qiv ntawv, chaw ua si thiab cov phau ntawv luam tawm, 25 lub chaw muaj keeb kwm thiab tej yam kev kawm. | ||
| Minnesota Judicial Branch | Nws muab kev ncaj ncees txiav txim plaub ntug rau txhua tus kom txhawb tau sawv daws kom muaj vaj huam sib luag thiab kom txoj kev hais plaub muaj kev daws. | ||
| Minnesota Management and Budget | MMB tau tsim rau xyoo 2008 los ntawm kev sib txuas ntawm lub Minnesota Department of Finance thiab Employee Relations. Lawv tswj kev siv nyiaj ntawm cov chaw ua hauj lwm rau lub xeev, cov neeg ua hauj lwm thiab cov ntaub ntawv hauv tsoom fwv kom muab kev pab zoo tshaj rau txhua tus pej xeem hauv Minnesota. | ||
| Minnesota Office of Higher Education | Lub Minnesota Office of Higher Education yog lub chaw ua hauj lwm pab cov tub ntxhais kawm kom mus tau rau qib siab, muab nyiaj pab kawm ntawv thiab kev qhia txog kev kawm rau theem siab, tiv thaiv cov neeg kawm ntawv thiab muab cov kev pab uas tsim nyog kom txhawb tau lawv txoj kev kawm. | ||
| Minnesota Sports Facilities Authority (MSFA) | Lub Minnesota Sports Facilities Authority (MSFA) tau tsim rau xyoo 2012 los ntawm tsoom fwv tsim cai lij choj kom tswj kev txhim kho thiab cov hauj lwm ntawm U.S. Bank Stadium. | ||
| Minnesota State Academies | Lub Minnesota State Academy (MSA) muaj ob lub tsev kawm tshwj xeeb: Lub Minnesota State Academy for the Blind (MSAB) thiab Minnesota State Academy for the Deaf (MSAD). | ||
| Minnesota State Colleges and Universities | Nrhiav cov ntaub ntawv txog cov kev kawm thiab kev pab cuam ntawm Minnesota State Colleges and Universities. | ||
| Minnesota State Law Library | Lub Minnesota State Law Library yog lub tsev qiv ntawv keeb kwm txog kev cai lij choj uas qub tshaj hauv Minnesota. Nws tau tsim nrog rau Minnesota lub xeev rau hnub tim 3 lub Peb hlis xyoo 1849 los ntawm Congress. | ||
| Minnesota State Retirement System (MSRS) | MSRS tswj kaum yam kev pab nyiaj laus, nyiaj pab cov neeg raug kev txom nyem phom sij, thiab pab kho kev tsis taus xiam oob qhab rau cov neeg ua hauj lwm rau lub xeev, cov neeg ua hauj lwm rau Metropolitan Council, thiab cov neeg ua hauj lwm hauv lub tsev kawm ntawv University of Minnesota. | ||
| Minnesota Sustainable Communities Network (MnSCN) | Lub Minnesota Pollution Control Agency pab nyiaj txiag rau Minnesota Sustainable Communities Network (MnSCN) los txhawb lawv qhov website. Lub hom phiaj ntawv MnSCN thiab qhov site yog tsim kev sib txuas lus, sib pab thiab sib qhia kom txhua tus nrhiav tau cov kev pab cuam uas lawv xav tau. | ||
| Minnesota Zoo | Tsim rau xyoo 1978, lub Minnesota Zoo yog ib lub chaw tsim los txhawb tib neeg, tej tsiaj kom muaj kev txaus siab rau tej xyoob ntoo thas mas xaj. Kev teeb tsa thiab ncig xyuas tej tsiaj no, yog ib txoj kev lom zem kawg nkaus thiab nthuav tawm rau ib tsoom neeg txog cov tsiaj uas muaj hauv lub ntiaj teb no. Txhua tus neeg tuaj hauv Zoo yeej yuav kawm tau txog ntau yam uas muaj nyob thoob plaws ntiaj teb. Kev kawm txog kev tiv thaiv tej tsiaj thiab xyoob ntoos yog ib txoj hau kev zoo los cawm tau yam uas ntuj tau tsim los. | ||
| Minnesota's Bookstore | Minnesota’s Bookstore yog lub tsev luam ntawv thiab muag cov ntawv sau los ntawm cov chaw ua hauj lwm rau lub xeev mus rau pej xeem. | ||
| Minnesota IT Services | Minnesota IT Services yog lub chaw tswj kev siv technology rau lub xeev Minnesota thiab nws cov chaw ua hauj lwm. Nws muaj kev tswj xyuas los ntawm lub xeev CIO, thiab pab rau peb yam dej num tshwj xeeb: kho cuab yeej siv thiab pab daws teeb meem rau sab technical; npaj thiab saib xyuas kev nqis peev; tswj kev siv cuab yeej kom raws cai thiab tsim nyog. | ||
| Minnesotans of African Heritage, Council for | Lub Council for Minnesotans of African Heritage (CMAH) tau tsim xyoo 1980 kom los pab daws cov teeb meem thiab txhawb kev sib txuas lus rau cov neeg hauv Minnesota uas muaj roj ntshav yog neeg tuaj sab Africa. Nws kuj tawm tswv yim txhawb kev noj qab haus huv ntawm haiv neeg no, thiab ua tus sawv cev txuas lus nrog cov neeg tsim cai lij choj thiab cov thawj coj hauv zos. | ||
| MMCAP Infuse | MMCAP Infuse yog ib pab koom haum (GPO) uas sib koom yuav khoom los sis cuab yeej siv los ntawm cov chaw kho mob ntawm tsoom fwv. Nws tau tsim rau xyoo 1985, raug tswj los ntawm Lub Xeev Minnesota, Office of State Procurement thiab muaj peev xwm txhawb tau nws tus kheej rau sab nyiaj txiag. Nws muaj ntau tshaj 13,000 tus tswv cuab thoob plaws 50 lub xeev. | ||
| MNsure | MNsure yog ib qho website uas muaj ntau hom kev pov hwm kho mob rau kev noj qab haus huv rau cov tib neeg, tsev neeg thiab cov lag luam me. Nws muaj cov kev pov hwm kev noj qab haus huv uas zoo thiab pheej yig tshaj hauv teb chaws no. Nws yog ib txoj hauv kev yooj yim rau kev sau npe thiab rau cov pej xeem hauv Minnesota los mus ntsuam xyuas tej kev pab kho mob kom zoo ua ntej yuav txiav txim siab yuav los sis tso npe. MNsure txhawb tau ntau tshaj 1 lab leej hauv Minnesota los mus ntsuam xyuas, xaiv thiab nrhiav tau kev pov hwm kho mob. | ||
| N | Rov Qab Rau Saud | ||
| Natural Resources, Department of | Lub chaw no tswj tej xyoob ntoos thiab tej yam chaw thas mas xaj uas ntuj tsim. Nws tswj kev tua tsiaj, nuv ntses, yos hav zoov, chaw ncig, pas dej, dej tsag, kev caij nkoj, kev lom ua si rau sab nraum zoov, kev qhia thiab kev saib xyuas tsiaj qus, cov av thiab pob zeb muaj nqis thiab ntau yam ntxiv. | ||
| Nursing Home Administrators, Board of Examiners for | Lub chaw no muab ntawv tso cai rau cov thawj coj saib xyuas tsev laus hauv xeev. Lawv tsim cov txheej txheem tau ntawv tso cai, tshuaj xyuas cov kev tsim nyog, saib xyuas cov kev tsis txaus siab thiab xa cov neeg xav tau kev pab mus rau cov chaw pab tau lawv. | ||
| Nursing, Board of | Lub chaw no yog ib pawg saib xyuas kev tso cai rau cov kws saib mob. Lawv muab ntawv tso cai, cob qhia, tshaj tawm kev qhia thiab saib xyuas txoj kev coj ntawm cov kws saib mob. Tsis tas li ntawd, lawv kuj ntsuam xyuas kev kawm kho thiab saib mob kom raws kev raws cai thiab muab tshaj tawm rau pej xeem. | ||
| O | Rov Qab Rau Saud | ||
| Office of Energy Security | Lub chaw no yog ib feem ntawm lub Department of Commerce uas tswj xyuas kev siv thiab kev txuag hluav taws xob kom nyob tau ruaj khov rau yav tom ntej. Lawv tswj nyiaj pab hluav taws xob, tawm tswv yim txog tus nqi hluav taws xob thiab tsim vaj tsev txuas hluav taws xob, muab ntaub ntawv txog kev txuag hluav taws xob thiab kev siv technology tshiab rau pej xeem kom raug cai. | ||
| Ombudsman for Long Term Care | Lub chaw no sawv cev thiab tawm tswv yim tiv thaiv kev noj qab haus huv, kev nyab xeeb thiab cov cai ntawm cov neeg siv kev pab hauv cov chaw tu neeg rau lub sij hawm ncua ntev. | ||
| Ombudsman for Mental Health and Developmental Disabilities | Lub chaw no pab tib neeg thiab cov tsev neeg uas muaj kev txhawj xeeb los sis kev tsis txaus siab txog kev kho mob ntawm kev nyuaj siab puas hlwb. Nws kuj qhia lawv txog lawv cov cai thiab qhia tswv yim kom tau kev pab kom zoo thiab tsim nyog. | ||
| Ombudspersons for Families | Lub chaw no pab cov tsev neeg uas raug teeb meem uas muaj feem xyuam nrog kev tsis sib raug zoo hauv lub cuab yig, kev tiv thaiv me nyuam, cov kev pab cuam pej xeem, kev ua tsis tau raws li Indian Child Welfare Act (ICWA) los sis Minnesota Indian Family Preservation Act (MIFPA), thiab cov uas raug saib tsis taus los sis ntxub ntxaug. | ||
| Ombudsman, Other Offices | Lwm lub chaw ua hauj lwm Ombudsman hauv Minnesota. | ||
| Optometry, Board of | Lub chaw no qhia thiab xyuas kom cov kws kho qhov muag ua hauj lwm kom raws cai, muab kev kho mob qhov muag uas tshaj lij thiab xyuas kom muaj kev kawm thiab kev xyaum raws txoj cai thiaj li tiv thaiv thiab paub tau hais tias kev pab kho cov pej xeem zoo thiab nyab xeeb. | ||
| P | Rov Qab Rau Saud | ||
| Peace Officer Standards and Training, Board of | Lub chaw no muab ntawv tso cai rau cov tub ceev xwm, tsim cov kev cob qhia hauv tsev kawm ntawv, tsim cov chav cob qhia rau cov kws tshaj lij, koom tes nrog kev kawm qib siab los mus xyaum txoj hauj lwm thiab tshawb ntaub ntawv nrhiav seb cov neeg xav tau daim ntawv tso cai puas tau ua txhaum dhau los. | ||
| Pharmacy, Board of | Lub chaw no tswj kev faib tshuaj ntawm cov tuam txhab thiab ua tshuaj, cov lag luam wholesale muag tshuaj, chaw nqa tshuaj, cov kws kho mob, cov kws kho hniav thiab lwm tug kws tshaj lij uas muaj feem xyuam. Lawv muab ntawv tso cai rau txhua tus kws muab tshuaj thiab chaw nqa tshuaj. | ||
| Physical Therapy, Board of | Lub chaw no xyuas kom cov pej xeem hauv Minnesota tau txais cov kev pab qoj ib ce kom nws rov qab ruaj khov los ntawm cov kws kho mob uas muaj txuj ci tshaj lij. Lawv tswj thiab muab ntawv tso cai rau cov kws kho mob pab lub ce thiab tshuaj xyuas cov kev tsis txaus siab thiab ua txhaum. | ||
| Pipeline Safety | Lub hom phiaj ntawm lub Office of Pipeline Safety yog los xyuas kom cov kav dej txuas nkev thiab kua zoo raws cai rau cov vaj tse hauv Minnesota, los ntawm kev tshuaj xyuas, kev cob qhia, kev kawm thiab kev tshawb xyuas cov xwm txheej uas tshwm sim. | ||
| Podiatric Medicine, Board of | Lub chaw no tswj cov kws kho ko taw, xyuas kev tsim nyog muab daim ntawv tso cai rau cov uas kawm txog fab no (DPM), muab daim ntawv pov thawj ua txoj hauj lwm nrog kev saib xyuas, tshuaj xyuas cov lus tsis txaus siab thiab teev npe rau cov chaw kho ko taw. | ||
| Pollution Control Agency | Lub chaw hauj lwm no saib xyuas kev tso cai, soj ntsuam thiab tswj kom txhua yam ntawm ib ncig raws cai, thiab tshaj tawm rau cov koom haum hauv xeev kom tiv thaiv ib puag ncig, Minnesota thiaj nyob huv si. | ||
| Private Detective and Protective Agent Services Board | Lub chaw no tshuaj xyuas cov ntawv tso cai rau cov kws tshawb nrhiav thiab soj neeg thiab cov neeg tiv thaiv lwm tug (kom nyab xeeb). Lawv txiav txim siab seb puas tsim nyog tso cai los sis tsis tsim nyog. Tsis tas li ntawd, lawv kuj tshuaj xyuas cov lus tsis txaus siab thiab rov muab kev tso cai yog raug cai. | ||
| Professional Educator Licensing and Standards Board | Lub chaw no xyuas kom txhua tus tub ntxhais kawm hauv Minnesota tau kev kawm los ntawm cov kws qhia ntawv tshaj lij. Tsis tas li ntawd, nws tswj kom sawv daws muaj vaj huam sib luag kawm ntawv tib yam nkaus. Nws tsim cov kev cob qhia txog txoj hauj lwm thiab txhawb kev koom tes nrog zej zog. | ||
| Psychology, Board of | Lub Board of Psychology no tau tsim los los tiv thaiv pej xeem. Lawv tswj xyuas thiab muab ntawv tso cai rau cov kws kho mob ntawm kev puas hlwb thiab tshuaj xyuas lawv txoj kev coj kom raug raws cai. | ||
| Public Defense, Board of | Lub Board of Public Defense yog ib lub chaw hauj lwm rau lub xeev uas saib xyuas tag nrho cov kev pab lij choj pub dawb rau cov neeg raug foob hauv Minnesota. Nws yog ib feem ntawm tsoom fwv ceg txiav plaub ntug, tab sis tsis nyob qab tswj hwm ntawm Supreme Court. | ||
| Public Employees Retirement Association | Nws muab cov nyiaj laus rau cov neeg ua hauj lwm rau tsoom fwv hauv xeev thiab cheeb tsam. PERA tsis muab kev pab rau pej xeem. | ||
| Public Safety, Department of | Bureau of Criminal Apprehension, Liquor Control, Alcohol and Gambling Enforcement, Crime Victim Services, Driver and Vehicle Services, Emergency Management, Emergency Communication Networks, State Fire Marshal, Pipeline Safety, State Highway Patrol, Statewide Radio Board, Capitol Security and Traffic Safety. | ||
| Public Utilities Commission | Lub PUC tswj peb hom kev pab cuam loj hauv Minnesota — hluav taws xob, nkev, thiab xov tooj. Lawv lub hom phiaj yog xyuas kom cov kev pab cuam no muaj kev nyab xeeb, txaus thiab ncaj ncees rau pej xeem nrog tus nqi tsim nyog. | ||
| R | Rov Qab Rau Saud | ||
| Racing Commission | Lub Minnesota Racing Commission no tswj kev twv nees sib tw thiab kev ua phaib tw nyiaj kom muaj kev ncaj ncees rau pej xeem. | ||
| House Research Department | Lub chaw hauj lwm no muab kev tshawb fawb, tawm tswv yim thiab txhawb cov tswv cuab ntawm Minnesota House of Representatives yam nyob nruab nrab. | ||
| Renewable Energy | Minnesota Renewable Energy yog ib qho chaw uas muaj cov ntaub ntawv muaj txiaj ntsig txog kev txuag hluav taws xob thoob plaws lub xeev Minnesota. | ||
| Revenue, Department of | Nws tswj hwm rau fab sau nyiaj se. Lawv khiav hauj lwm rau 28 hom se, tsim thiab tswj cov cai muaj feem txog cov se, txais kev them se thiab rov nyiaj se, tshuaj xyuas kev tsis ncaj ncees yuam cai ntawm kev ua se thiab txhawb pej xeem nrog rau cov lag luam. | ||
| Revisor of Statutes | Lub Office of the Revisor of Statutes ua hauj lwm rau tsoom fwv ceg tsim cai lij choj uas pab cov tswv cuab thiab lwm lub chaw ua hauj lwm rau sab ntawd. | ||
| S | Rov Qab Rau Saud | ||
| Safety Council | Lub Minnesota Safety Council yog ib lub koom haum pej xeem uas ua hauj lwm ib nrab rau lub xeev. Nws tsim los muab kev cob qhia txog kev nyab xeeb thiab kev noj qab haus huv rau pej xeem thiab tsoom fwv hauv Minnesota. | ||
| Science Museum of Minnesota | Lub chaw no siv kev kawm txog science, kom cov neeg tsim cai, cov kws qhia ntawv, thiab txhua tus tib neeg muaj peev xwm dhau los mus ua cov pej xeem txhawb tau ntiaj teb. | ||
| Secretary of State | Lub chaw ua hauj lwm ntawm Tus Secretary of State nyob rau tsoom fwv ceg tswj kev cai li choj hauv lub xeev Minnesota. | ||
| Sentencing Guidelines Commission | Lub chaw no yog ib pawg tsim kev cai, txheeb xyuas thiab ntsuas seb kev txiav txim hauv tsev hais plaub thiab txhua yam puas raws kev raws cai nrog lub txim ntawm tus neeg txhaum. | ||
| Social Work, Board of | Lub chaw no tswj thiab qhia cov cai rau kev ua hauj lwm ntawm cov kws pab pej xeem. Nws muab cov ntawv tso cai rau cov kws tshaj lij thiab txhawb kev tiv thaiv rau pej xeem kom zoo. | ||
| State Auditor, Office of | Tus Minnesota State Auditor yog ib tug kws tshuaj xyuas nyob rau tsoom fwv ceg tswj kev cai lij choj ntawm U.S. State of Minnesota. Tus State Auditor muaj lub luag hauj lwm saib xyuas kwv yees li $40 billion nyiaj uas tsoom fwv hauv zos siv txhua xyoo hauv Minnesota. Tus State Auditor tshuaj xyuas cov ntawv teev nyiaj txiag ntawm tsoom fwv hauv zos thiab saib xyuas cov ntaub ntawv, pov thawj sau tseg, ntawv ceeb toom thiab cov lus tsis txaus siab uas xa tuaj. Cov ntaub ntawv teev nyiaj txiag yuav raug txheeb xyuas kom paub tau tseeb tias lub chaw ua hauj lwm raws cai. Tus State Auditor raug xaiv los ntawm kev pov npav thiab ua hauj lwm plaub xyoos. | ||
| State Designer Selection Board | Lub State Designer Selection Board (SDSB) xaiv tus thawj tsim qauv vaj tse rau txhua qhov kev tsim kho tshiab los sis kev hloov kho vaj tse puas, raws li cov koom haum hauv xeev tau thov (tsis suav nrog CAAPB). Xws li, nws tswj cov dej num uas muaj feem rau lub tsev kawm University of Minnesota thiab Minnesota State Colleges and Universities rau txhua yam kev tsim kho uas kwv yees yuav siv nyiaj ntau tshaj $2,000,000.00, los yog hais tias lwm yam kev kho uas muaj nqi them ntau dua $200,000.00. Kev xaiv tus thawj tsim qauv vaj tse nyob ntawm nws txoj kev paub txog txoj hauj lwm. | ||
| State Patrol | Lub hom phiaj ntawm Minnesota State Patrol yog: tiv thaiv thiab ua hauj lwm cawm txhua tus neeg hauv lub xeev los ntawm kev pab, kev qhia thiab kev tswj hwm kev cai, thiab saib xyuas kev thauj mus los kom nyab xeeb thiab ruaj ntseg. | ||
| State Rehabilitation Council | Pawg no tshuaj xyuas thiab tawm tswv yim txog kev nrhiav hauj lwm ntawm Vocational Rehabilitation los pab cov neeg uas txais Vocational Rehabilitation. | ||
| State Rehabilitation Council for the Blind | Lub chaw no tawm tswv yim thiab muab tswv yim rau SSB txog cov kev pab cuam thiab cov khoom siv uas txhawb tau cov neeg dig muag. | ||
| State Retirement System, Minnesota | Nws tswj ntau hom kev pab nyiaj laus sib txawv rau cov neeg ua hauj lwm hauv lub xeev, cov tswv cuab tsim cai lij choj, cov kws txiav txim plaub ntug thiab cov tub ceev xwm hauv xeev. | ||
| Supreme Court | Lub Minnesota Supreme Court yog lub tsev hais plaub siab tshaj plaws hauv Minnesota. Thaum kawg, lawv yog tus txiav txim tshwj xeeb rau tej rooj plaub uas cuam tshuam txog cov cai hauv xeev thiab tej kev cai lij choj uas muaj feem xyuam rau cov pej xeem. | ||
| Surplus Services | Surplus Services pab tsoom fwv tswj hwm, txuas thiab hloov cov cuab yeej cuab tam thiab khoom siv uas tsis muaj leej twg lees muag rau pej xeem los sis lub xeev. | ||
| T | Rov Qab Rau Saud | ||
| Tax Court | Lub Minnesota Tax Court yog ib lub chaw tshwj xeeb nyob hauv tsoom fwv ceg tsim cai lij choj uas tsom rau cov plaub ntug uas muaj feem xyuam txog nyiaj se xwb. | ||
| Teachers Retirement Association | Yog ib qho nyiaj txhawb cov kws qhia ntawv hauv Minnesota, thaum lawv yuav so tau nyiaj laus, muaj kev tsis taus xiam oob qhab, muaj kev ploj tuag. Pob nyiaj txhawb cov kws tswj tsev kawm ntawv uas so hauj lwm, cov neeg ua hauj lwm rau tsev kawm ntawv qib siab thiab lawv tsev neeg tib yam nkaus. | ||
| Tourism | Explore Minnesota Tourism: Cov ntaub ntawv txog kev mus ncig hauv Minnesota, xws li chaw pw, chaw lom zem, chaw muaj yeeb yam, phau ntawv qhia dawb thiab ntau yam ntxiv. | ||
| Transportation, Department of | Nws muab tswj hwm rau kev thauj mus los hauv lub xeev. Qhov chaw no saib xyuas kev ya dav hlau, kev tsheb loj, kev thauj khoom, chaw nres nkoj, kev thauj pej xeem, kev tsheb ciav hlau thiab cov kav dej roj. | ||
| U | Rov Qab Rau Saud | ||
| University of Minnesota | Lub University of Minnesota yog ib lub tsev kawm ntawv qib siab loj uas muaj ntau lub tuam tsev thoob plaws hauv xeev. Nws yeej muaj lub hom phiaj txhawb kev tshawb fawb thiab koom tes nrog pej xeem kom sawv daws nyob tiam tshiab no muaj kev vam meej. | ||
| V | Rov Qab Rau Saud | ||
| Veterans Affairs, Department of | Lub chaw no pab cov qub tub rog thiab lawv tsev neeg tau kev pab los ntawm U.S. Department of Veterans Affairs thiab los ntawm lub xeev Minnesota. Lawv kuj tswj hwm tsib lub tsev qub tub rog Veterans Homes thiab chaw faus nco txog cov qub tub rog State Veterans Cemetery. | ||
| Veterinary Medicine, Board of | Lub chaw no yog tus muab ntawv tso cai rau cov kws kho tsiaj hauv xeev Minnesota. Nws tswj cov kev xeem, cov kev ntaub ntawv qhia thiab tshuaj xyuas cov lus tsis txaus siab. | ||
| W | Rov Qab Rau Saud | ||
| Water and Soil Resources, Board of | Lub hom phiaj ntawm Minnesota Board of Water and Soil Resources yog los txhawb cov zos, tswj thiab txuag cov dej thiab av rau yav tom ntej, tshwj xeeb yog rau cov thaj av uas tib neeg yuav ua lawv ntiag tug. BWSR muab kev pab nyiaj, kev cob qhia thiab pab tswj hwm cov ntaub ntawv. | ||
| Weights and Measures | Lub Department of Commerce Weights and Measures Division no tshuaj xyuas kom kev ntsuas thiab qhov hnyav ntawm tej khoom lag luam, cov roj sam thiab lwm yam roj siv rau tsheb zoo raws kev raws cai. | ||
| Workers' Compensation Court of Appeals | Lub WCCA yog ib lub chaw hauj lwm uas nyob hauv tsoom fwv ceg tswj kev cai lij choj, uas tau tsim raws li Chapter 175A ntawm Minnesota Statutes. Lub tsev hais plaub muaj 5 tus kws txiav txim uas raug xaiv los ntawm tus Governor thiab muaj kev pom zoo los ntawm Senate hauv xeev. Tus Governor tsa ib tug los ua Chief Judge, uas yog tus uas muaj kev txiav txim loj tshaj. | ||
| Z | Rov Qab Rau Saud | ||
| Zoological Garden | Tsim rau xyoo 1978, lub Minnesota Zoo yog ib lub chaw tsim los txhawb tib neeg, tej tsiaj kom muaj kev txaus siab rau tej xyoob ntoo thas mas xaj. Kev teeb tsa thiab ncig xyuas tej tsiaj no, yog ib txoj kev lom zem kawg nkaus thiab nthuav tawm rau ib tsoom neeg txog cov tsiaj uas muaj hauv lub ntiaj teb no. Txhua tus neeg tuaj hauv Zoo yeej yuav kawm tau txog ntau yam uas muaj nyob thoob plaws ntiaj teb. Kev kawm txog kev tiv thaiv tej tsiaj thiab xyoob ntoos yog ib txoj hau kev zoo los cawm tau yam uas ntuj tau tsim los. | ||