Minnesota Indian Tribes
Nyob rau Minnesota, muaj xya thaj chaw Anishinaabe (Chippewa, Ojibwe) thiab plaub pab pawg Dakota (Sioux). Nrhiav cov txuas mus saib txog cov pawg neeg uas muaj web sites. Tsis tas li xwb, koj kuj nrhiav tau cov txuas mus rau lwm yam kev pab uas muaj txiaj ntsig.
Cov Haiv Neeg Khab Uas Tsoom Fwv Teb Chaws Lees Paub
"Tsoom Fwv Teb Chaws Lees Paub" txhais tau li cas?
Bois Forte Band of Chippewa
Bois Forte Band of Chippewa nyob rau sab qaum teb ntawm Minnesota, kwv yees deb li rau caum mais rau sab qab teb thiab sab hnub poob ntawm International Falls, MN.
Fond Du Lac Reservation
Fond du Lac Reservation nyob rau sab qaum teb hnub tuaj Minnesota, ze rau nroog Cloquet, MN, kwv yees deb li 20 mais rau sab hnub poob ntawm Duluth, MN. Thaj chaw no tsim los ntawm txoj cai LaPointe Treaty rau xyoo 1854, thiab yog ib feem rau thaj chaw uas Minnesota Chippewa Tribe tso tseg tsis nyob lawm.
Gichi-Onigaming / Grand Portage Band of Lake Superior Chippewa
Grand Portage Reservation nyob hauv Cook County, puag sab qaum teb hnub tuaj kawg nkaus ntawm Minnesota, kwv yees deb li 150 mais ntawm Duluth. Nws nyob ze ciaj teb Canada, sab qab teb thiab sab hnub tuaj ze Lake Superior thiab Grand Portage State Forest sab hnub poob.
Leech Lake Band of Ojibwe
Leech Lake Reservation nyob rau north-central Minnesota cov hav zoov uas zoo tau xis nyob thiab kaj siab kawg li. Muaj ntau lub pas dej thiab cov ntoo thuv puag ncig. Xws li, ob lub pas dej rau thaj chaw ntawd kuj poob rau cov uas loj tshaj plaws hauv lub xeev.
Lower Sioux Indian Community
Lower Sioux Indian Community nyob rau sab qab teb ntawm Minnesota River, ze rau U.S. Indian Agency thiab Bishop Whipple Mission, uas ib txwm nyob rau thawj thaj chaw txij thaum muaj qhov Treaty xyoo 1851. Qhov chaw no nyob hauv Redwood County, ob mais rau sab qab teb ntawm Morton thiab rau mais rau sab hnub tuaj ntawm Redwood Falls.
Mille Lacs Band of Ojibwe
Muaj cov txuas mus saib cov keeb kwm, kawm txog tsoom fwv khab, ntaub ntawv kawm txog lawv pawg neeg, kev txuas mus rau cov chaw twv txiaj loj thiab tsev teeb puav pheej.
Prairie Island Indian Community
Prairie Island Indian Community nyob rau sab qab teb hnub tuaj ntawm Minnesota, rau sab qaum teb ntawm Red Wing, nyob nruab nrab ntawm Highway 61 thiab Mississippi River. Cov neeg ntawm Prairie Island los ntawm pab pawg Mdewakanton Dakota thiab tau nyob rau Prairie Island ntau tiam dhau los.
Red Lake Band of Chippewa Indians
Muaj ntaub ntawv txog cov keeb kwm, kev npaj ntawm pab pawg khab, kev kawm ua hauj lwm thiab kev cob qhia, ntawv txog cov koob tsheej Pow-wow, kev lom zem twv txiaj, daim ntawv teev xov tooj thiab ntau yam ntxiv.
Shakopee Mdewakanton Sioux (Dakota) Community
Shakopee-Mdewakanton Reservation nyob puv nkaus lub nroog Prior Lake hauv Scott County, Minnesota. Nws ib txwm muaj lub npe ua Prior Lake Reservation txog thaum muaj kev txhim kho tshiab, raws li Indian Reorganization Act thaum hnub tim 28 lub 11 hlis xyoo 1969. Prior Lake, Minnesota yog lub haus paus loj khiav dej num saib xyuas pab pawg khab no.
Upper Sioux Community
Thaj av hu ua Pejuhutazzi Kapi (thaj chaw uas lawv khawb tshuaj daj) yog pab pawg Dakota Oyate tej chaw ib txwm nyob ntau txhiab xyoo dhau los. Upper Sioux Community nyob hauv Yellow Medicine County.
White Earth Reservation
White Earth Reservation nyob rau sab qaum teb hnub poob ntawm Minnesota cov cheeb tsam Mahnomen, Becker, thiab Clearwater. Nws nyob 68 mais ntawm Fargo thiab 225 mais ntawm Minneapolis/St. Paul. White Earth, Minnesota yog lub haus paus loj khiav dej num saib xyuas pab pawg khab no.