Cov Kev Pab Rau Tsev Neeg Nyob Hauv Cheeb Tsam Metro Hais Txog Kev Nyab Xeeb
Cov ntaub ntawv hauv qab no muaj kev pab rau txhua tsev neeg thoob xeev txij muaj teeb meem cuam tshuam kev nyab xeeb uas tshwm sim tom qab Daunte Wright raug tua thiab tom qab rooj plaub Derek Chauvin.
Cov Kev Pab Rau Tsev Neeg
Phau ntawv qhia rau niam txiv thiab tsev neeg ( ua lus Hmoob, lus Somali thiab lus Mev ) txog kev pab cuam thaum mob COVID-19, rau kev pab nyiaj txiag, kev tu me nyuam, kev nyuaj siab puas hlwb thiab lwm yam kev txhawb zog.
Cov Kev Pab Kom Tau Yam Tseem Ceeb
United Way 211. Yog koj xav tau zaub mov, tej yam tseem ceeb, mus rau ib qho chaw muaj kev nyab xeeb, los sis xav tau lwm yam kev pab, hu rau 2-1-1, sau koj tus ZIP code xa mus rau 898-211, los sis mus xyuas lawv qhov website kom tham tau nrog ib tug Community Resource Specialist uas pab tau koj.
Hennepin County pab tau koj nrhiav khaub ncaws, tau kev pab nyiaj txiag, zaub mov, kev kho mob thiab tshuaj. Hu rau 612-348-3000 thaum 8 moos sawv ntxov txog 8 moos tsaus ntuj, xya hnub tauj ib asthiv. Muaj kev pab txhais ua ntau hom lus. Mus xyuas Hennepin County Community Resources qhov webpage.
Ramsey County muab kev pab thiab kev txhawb rau kev noj qab haus huv, zaub mov thiab lwm yam tseem ceeb, pab nrhiav vaj tse, hauj lwm, txhawb cov lag luam me thiab ntau yam ntxiv. Mus xyuas ramseycounty.us/coronavirus los sis hu rau 651-266-8500. Muaj ntaub ntawv thiab kev pab txhais ua ntau hom lus.
Zaub Mov
The Hunger Solutions qhov website thiab xov tooj pab txuas tau koj rau cov tuam tsev mus nqa zaub mov. Hu rau 888-711-1151 hnub Monday txog Friday, 10 moos sawv ntxov mus txog 5 moos tsaus ntuj. Muaj kev pab txhais ua ntau hom lus.
Qhov website ntawm Minnesota Department of Human Services qhia txog cov xwm txheej ceev uas xav tau cov kev pab cuam zaub mov.
City of Minneapolis muaj daim ntawv qhia txog cov tuam tsev mus nqa zaub mov rau hauv nroog Minneapolis tib yam nkaus.
Chaw Zov Me Nyuam
Cov tsev neeg uas xav tau kev pab tu me nyuam tuaj yeem mus xyuas mn.gov/childcare los sis hu rau 1-888-291-9811.
Kev Noj Qab Haus Huv
Yog koj muaj teeb meem tau tshuaj, koj yuav tsum:
- Hu rau koj lub chaw muag tshuaj, tej zaum lawv yuav xa tshuaj mus rau lwm qhov los sis xa tuaj rau koj.
- Hu rau lub tuam txhab ntawm koj daim ntawv kho mob los sis managed care program kom pab nrhiav cov chaw muag tshuaj. Yog koj muaj Medical Assistance los sis MinnesotaCare, nrhiav tus xov tooj pab cov tswv cuab ntawm cov health plan ntawm no .
- Yog koj xav mus nqa tshuaj rau lwm lub chaw muag tshuaj, tej zaum koj yuav tau hu rau koj tus kws kho mob. Tej lub chaw muag tshuaj kuj yuav tsum tau kev xaj tshuaj 72 teev ua ntej, lawv thiaj li npaj tau kom txhij thiab sai rau koj.
- Yog koj lub chaw muag tshuaj kaw lawm thiab koj hu tsis tau lawv los sis koj tus kws kho mob, tej zaum koj kuj yuav tau txais tshuaj kom txaus koj rau 30 hnub rau lwm qhov chaw (tsuas tsis yog cov tshuaj uas muaj kev tswj nruj heev). Yuav tsum muaj ntaub ntawv noj tshuaj ua pov thawj kom txaus rau tus kws muag tshuaj, xws li koj lub raj tshuaj los sis ntaub ntawv kho mob rub tawm hauv online, lawv thiaj li kam muab tshuaj rau koj.
Rau kev pab kho mob nqi pheej yig los sis dawb, nrhiav chaw kho kev nyuaj siab puas hlwb thiab chaw kho hniav siv MN Low-Cost Health Care Directory.
Yog koj yog neeg muaj Medical Assistance los yog MinnesotaCare, koj yuav siv MHCP Provider Directory los nrhiav cov kws kho mob, los sis hu rau koj lub health plan kom pab nrog kev thauj mus ntsib kev kho mob.
Ntaub ntawv txhaj tshuaj tiv thaiv COVID-19
Disability Hub MN (1-866-333-2466) muab kev pab dawb thoob plaws hauv xeev rau cov tib neeg muaj kev tsis taus xiam oob qhab thiab mob ntev tsis tu ncua, los sis lawv cov neeg saib xyuas, kom txuas tau lawv nrog cov kev pab cuam hauv zej zog.
Kev Pab Kho Kev Nyuaj Siab Puas Hlwb thiab Raug Xwm Txheej
Mental Health Support cov xov tooj thiab websites. Cov xwm txheej tsis ntev los no tau ua rau coob leej muaj kev ntxhov siab thiab tau ntshai heev. Cov kev pab kho kev nyuaj siab puas hlwb hauv xov tooj thiab website no, muab kev pab dawb rau cov neeg nyob Minnesota uas tab tom ntsib kev ntxhov siab thiab kev puas hlwb.
Daim ntawv Substance Abuse and Mental Health Services Administration (SAMHSA) qhia txog qee yam cwj pwm coj ntawm kev tu siab thiab kev chim siab, tom qab muaj xwm txheej phem hauv zej zog. Nws kuj qhia txog tias yuav ua li cas thiaj li tiv thaiv tau tus kheej kom coj tus thaum muaj kev tu siab, thiab nws qhia cov tswv yim pab daws me nyuam kev tu siab.