Su’aalahaa aalaaba la is waydiiyo oo ku saabsan baarista guriga ee KOFID-19

Baaritaanka degdegga ah ee difaaca jirka ee iHealth waxay suuragalisaa in la ogaado fayraska sababa COVID-19. Haddii aad leedahay astaamo, baaritaanku si dhakhso ah ayuu u sheegi karaa inaad qabto COVID-19 iyo in kale. Waxaad ku samayn kartaa baaaritaanka dhacaanka sanka goob kasta oo aad natiijada ku heli kartaa ilaa 15 daqiiqo gudahood.

Waxaad u isticmaali kartaa baaritaanka iHealth xubnaha qoyskaaga ee jira 2 sano ama ka weyn wakhti kasta. Waaxda Caafimaadka ee Minnesota waxay ku talinaysaa baaritaanka sababaha soo socda awgood:  

• Hadii aad iska dareento astaamaha COVID-19; 
• Aad ka agdhowaatay qof qaba COVID-19;
• Laga yaabo inaad la kulantay qof qaba COVID-19;
• Aad is baaraysid ka hor intaadan aadin kulan balaaran.

Haddii aad is baarayso balse aadan lahayn astaamo, fadlan tixraac tilmaamaha iHealth, ama MDH Close Contacts and Quarantine (www.health.state.mn.us/diseases/coronavirus/close.html).

Fadlan raac tilmaamaha dhamaystiran ee la socdo qalanka baaritaanka. Si aad u ogaato sida uu baaritaanka loo sameeyo, waxaad daawan kartaa muuqaalkan: How to use the iHealth COVID-19 Antigen Rapid Test (https://youtu.be/qBt_H4Gc-rU).

Xataa haddii natiijada baadhista degdega ah ay noqoto mid taban (aan laga helin cudurka), qofka astaamaha leh waa inuu qaadaa baaritaanka PCR COVID-19 waana inaanu ku soo laaban hawlaha caadiga ahaa ilaa ay astaamuhu ka soo fiicnaadaan 24 saacadood. Ka hel xulashooyinka baaritaanka PCR Minnesota COVID-19 Response (mn.gov/covid19/). Haddii aad wax su'aalo ah ka qabto astaamaha, la xiriir dhakhtar ama bixiye daryeel caafimaad.

Haddii lagaa helo, guriga joog oo ka fogow dadka kale. Haddii aad leedahay astaamo, la xiriir dhakhtar ama bixiye daryeel caafimaad. La soco hagaha caafimaadka dadweynaha ee halkan aad ka helayso If You Are Sick or Test Positive (www.health.state.mn.us/diseases/coronavirus/sick.html).

Fadlan ka wac Waaxda Caafimaadka Minnesota ee COVID-19 Khadka Dadweynaha ee 1-833-431-2053, furan Isniinta ilaa Jimcaha 9 subaxnimo ilaa 7 galabnimo, iyo Sabtida 10 subaxnimo ilaa 6 galabnimo.