Txais tos rau LoginMN!
LoginMN yog Xeev Minnesota txoj kev nkag uas muaj kev ruaj ntseg thiab kev koom uas cov tib neeg thiab cov lag luam siv los nkag mus rau cov kev pab cuam, program, thiab cov ntawv thov hauv Xeev Minnesota. LoginMN tso cai rau koj nkag mus rau ntau txoj kev pab cuam hauv tsoom fwv, thaum tib lub sij hawm khaws koj cov ntaub ntawv kom muaj kev ruaj ntseg siv multi-factor authentication (MFA) thiab kev txheeb xyuas kev dag ntxias txhim kho.
Txawm tias cov kev pab cuam hauv tsoom fwv tseem tsawg uas muaj nyob hauv LoginMN, cov kev pab cuam yuav muaj los ntxiv li ntawm ob peb lub hlis los sis ob peb lub xyoo tom ntej uas koj yuav nkag mus tau.
Kuv npaj tau los tsim kuv tus login lawm
Yam Koj Yuav Tsum Paub
Kuv yuav tsim ib tug login li cas?
Txhawm rau los tsim ib tug LoginMN rau koj los sis koj lub lag luam, xaiv lub pob log in thiab ua qhov kev cuv npe kom tiav uas yog ua ib zaug xwb. Txog thaum tag nrho cov koom haum ua hauj lwm rau lub xeev tau hloov mus siv LoginMN, siv koj tus username thiab password qub rau cov kev pab cuam uas tsis tau hloov yog tsis pom nyob rau ntawm login.mn.gov. Siv koj tus username thiab password ntawm LoginMN rau cov kev pab cuam uas muaj nyob rau ntawm no.
Kuv puas tseem siv tau cov websites hauv lub xeev li qub?
Siv tau kawg! Koj tseem siv tau cov websites thiab nkag mus rau lawv cov kev pab cuam. Yog tias cov kev pab cuam hauv lub koom haum ntawd twb hloov mus rau LoginMN thiab koj xav siv cov kev pab cuam ntawd, koj yuav tsum tsim ib tug account hauv LoginMN.
Kuv yog ib tug tswv lag luam. LoginMN yuav pab tau kuv li cas?
Thaum cov koom haum uas ua hauj lwm rau lub xeev tau hloov mus rau LoginMN lawm, cov tswv lag luam yuav nkag mus tau rau cov lais xees lag luam, cov ntawv tso cai los txhim kho vaj tsev, kev cuv npe them se rau cov neeg ua hauj lwm, thiab ntau yam ntxiv.
Kuv puas yuav tsum muaj ib tug account rau kuv tus kheej thiab ib tug rau kuv lub lag luam?
Yog, koj yuav tsum muaj ob tug account – ib tug uas siv koj tus email uas koj siv rau koj tus kheej thiab ib tug uas siv koj lub lag luam tus email. Koj yuav tsum tsim ib tug password rau txhua lub account.
How will I know when new features are available?
Peb tab tom pib tso lub xeev cov koom haum cov ntawv thov thiab cov kev pab cuam rau hauv LoginMN xwb. Thaum muaj cov apps tshiab los sis kev pab cuam tshiab, koj yuav pom lawv nyob hauv qhov ntu "currently available" thiab hauv ntu "Feature Announcement".
Ib txoj kev tshiab los ua koj cov hauj lwm kom tiav
Tsis ntev xwb, tag nrho cov kev pab hauv lub xeev yuav siv LoginMN. Cuv npe tam sim no thiab li tau txais cov txiaj ntsig tam sim no thiab rau yav tom ntej.
Cov program uas yuav nkag tau hauv 2025 yuav siv koj tus login xwb.
Capital Budget System
Ib lub system siv los sau thiab tshuaj xyuas cov lus thov rau kev siv nyiaj uas los txhim kho vaj tse ntawm cov koom haum hauv lub xeev thiab cov koom haum hauv nroog rau ntawm lub Minnesota Management and Budget.
Cov kev pab cuam uas yuav nkag tau rau xyoo 2026 nrog txoj kev siv koj tus login.
Ntau yam yuav los ntxiv!
Tos ntsoov saib qhov chaw no thaum peb hloov kho cov kev pab cuam thiab cov ntawv thov uas yuav muaj nyob hauv LoginMN!